Verslunin Tekk-Company verður með veglegt tilboð á einni sérvalinni vöru á hverjum degi til jóla.
„Þetta er jóladagatal,“ segir Telma Birgisdóttir, eigandi verslunarinnar Tekk-Company. „Sem þýðir að við verðum með tilboð á alls konar sérvöru í eldhúsvöru, ljósum og lömpum, húsgögnum og fleiru. Það verður að lágmarki 20 prósent afsláttur, jafnvel meira, af ákveðnum vöruliðum og úr öllum deildum. Nýtt tilboð á hverjum degi.
Hún segir að Tekk-Company hafi farið af stað með svona jóladagatal fyrir tveimur árum og þá hafi skapast mikil stemning.
„Fólk vissi ekki hvaða vara kæmi hvern dag og fylgdist spennt með til að sjá hvort það birtist ekki eitthvað í búðinni sem vekti áhuga þess, enda er þetta auðvitað svolítið eins og að kíkja í gluggann á jóladagatali og athuga hvort eitthvað skemmtilegt komi í ljós,“ segir hún létt í bragði.
Telma tekur þó fram að í ár verði ein breyting á jóladagatali Tekk-Company. „Tilboðin verða á netinu,“ segir hún. „Við finnum nefnilega að það eru fleiri spenntir fyrir því að gera innkaupin rafrænt, sumir vilja kannski ekki fyrir fara í verslanir út af ástandinu á meðan öðrum finnst bara orðið miklu þægilegra að versla rafrænt.
„við ákváðum að koma til móts við viðskiptavini okkar og bjóða fólki að skoða vöruúrvalið á Facebook-síðunni okkar og á heimasíðunni tekk.is. Þar detta inn ný tilboð daglega fram að jólum.“
Þannig að við ákváðum að koma til móts við viðskiptavini okkar og bjóða fólki að skoða vöruúrvalið á Facebook-síðunni okkar og á heimasíðunni tekk.is. Þar detta inn ný tilboð daglega fram að jólum.“
Hún getur þess að mörgum komi á óvart þegar þeir skoða heimasíðu Tekk-Company hvað vöruúrvalið er fjölbreytt. „Já, sumir verða hissa þegar þeir átta sig á að hér fást ekki bara vönduð húsgögn, heldur eru alls konar sniðugar vörur á boðstólum og fallegir hlutir, til dæmis ýmis smávara sem er sniðug í jólapakkann.“
Spurð hvort hægt sé að fá vöru úr búðinni senda heim segir Telma að þeir sem versli fyrir fimmtíu þúsund eða meira fái fría heimsendingu. „Annars getum við sent vöruna með pósti, það er sko ekkert mál,“ segir hún glaðlega og bætir við að viðbrögðin við tilboðunum séu þegar góð, enda vilji fólk gera hagstæð innkaup. „Fólk vill auðvitað fá fallega hluti á góðu verði og með þessum tilboðum gefst meðal annars kostur á því.“
Hún hvetur áhugasama til að fylgjast með nýjum daglegum tilboðum á Facebook-síðunni og á tekk.is.
Athugasemdir