Reyndi að nýta sér neyð móður sem þurfti mataraðstoð: „Af hverju hún komi ekki bara til hans“

„Afhverju þarf fólk að yfir­heyra fólk sem biður um aðstoð!? Fyr­ir­gefið en ég er kannski þannig gerð að ég verð að fá að koma þessu hér á fram­færi því mér finnst þetta mjög alvar­legt og ég mun ekki nafn­greina neinn!!“

Þetta skrifar kona innan Facebook-hóps Íslend­inga þar sem fátækt fólk í neyð getur óskað eftir mat­ar­að­stoð. Konan biðst undan að vera nafn­greind í sam­tali við Mannlíf því hún vill ekki að konan sem um ræðir þekk­ist.

„Í gær­kvöldi byrj­aði við­kom­andi sem þurfti á aðstoð að halda að svara ákveðnum manni út í bæ sem bauð aðstoð. En eftir fyrstu svör byrja spurn­ingar um líf við­kom­andi og afhverju hún á ekki mat fyrir börnin sín fjögur.  Og afhverju hún er ekki í vinnu og afhverju hún komi ekki bara til hans og með börnin hennar yfir ara­motin og gisti í rúm­inu hjá ókunn­ugum karl­manni sem býr í studíó-íbúð. Hann ætlar að sofa í sof­anum svo allir gætu átt góð ára­mót!,“ lýsir vin­kona kon­unnar.

Hún segir vin­kon­una ekki hafa gefið upp upp­lýs­ingar um sínar aðstæður þegar hún óskaði eftir aðstoð. „Hún gaf aldrei upp­lys­ingar um sína hagi, hvort hún ætti kærasta eða hvort hún hefði áhuga á að þessi karl­maður myndi reyna við hana! Hún óskaði eftir ára­móta­að­stoð því hún er skuld­settur öryrki, mikið veik, og með fjögur börn á fram­færi. Húsa­leigu­bæt­urnar, sem hún fær von­andi í dag fara beint i greiðslu­þjón­ust­una hennar. Bæturnar eru ekki nema 59.000 krónur sem hun fær því hún býr ekki í Reykja­vík. Hún fær greitt frá TR þann 1 jan­úar og veit ekki einu sinni hvort hú nái að lifa út þann mánuð án aðstoðar,“ skrifar vin­kona hennar.

Hún segir ekki eðli­legt að menn yfir­heyri né reyni við fólk sem þurfi að biða um aðstoð. „Hvernig stendur á þvi að móðir geti ekki sótt um aðstoð án þess að verða yfir­heyrð? Eða ásökuð um að vera í fíkni­efna­neyslu eða drykkju eða reykja vegna þess að hún á ekki pen­ing til að halda sér og börn­unum sinum uppi?! Það er ekki flókið miðað við hvað allt er dýrt í dag og ekki ódýrt að lifa. Ekki bjóð­ast til að aðstoða ef þið ætlið að drulla yfir fólkið, reyna við það eða ætl­ast til að verða vinir þess! Finnst þetta ekki í lagi og ykkur kemur ekki við afhverju staða við­kom­andi er eins og hún er! Gleði­lega hatið öll,“ segir konan.