Karl reiður út í Nettó: „Verst að hafa borgað fyrir þetta“

Karl Steinar Ósk­ars­son er reiður út í Nettó fyrir að hafa selt sér löngu­út­runnið nauta­kjöt. Í stað þess að njóta þess­arar fínu steikur var kjötið óætt og hefði ekki einu sinni hentað í gúllas.

Karl Steinar segir frá upp­lifun sinni í færslu á Facebook þar sem hann birtir jafn­framt mynd af hinu útrunna kjöti og mið­ann sem sýnir síð­asta neyslu­dag. „Keypt í dag í Nettó. Rann út 10. októ­ber 2020. Maður lifir á brún­inni. Verst að hafa borgað fyrir þetta,“ segir Karl.

Þessi fína nauta­steik rann út fyrir þremur mán­uðum.

Magnús nokkur spyr hvort útrunna nauta­kjötið úr Nettó hafi ekki verið það besta kjöt sem hann hafi smakkað. Karl svarar að bragði: „Þetta var í súr­ari kant­inum. Hefði verið fínt í gúllas en greini­lega þránað,“ segir Karl.

Þórður er með lausn­ina varð­andi nauta­steik­ina. „Éta hana fyrst, skila henni svo. Mikið rétt, þetta er pínu á gráu svæði að selja þetta,“ segir Þórður.

Jón Helgi nokkur spyr einmitt Karl hvort nauta­steikin hafi verið æt. Karl segir svo alls ekki hafa verið enda þrír mán­uðir liðnir frá því að kjötið rann út hjá Nettó.