Andrés minnist Jónasar stjúpföðurs: „Hann var góður pabbi”

Andrés Helgason syrgir Jónas stjúp­föður sinn í hjart­næm­ari færslu á Facebook. Andrés lýsir því hvernig Jónas stóð sig með prýði í þessu hlut­verki sem svo margir Íslend­ingar þekkja, sem stjúp­faðir. Síðasta ár Jónasar var erfitt að sögn Andrésar.

„Elsku Jónas. Stjúppabbi og afi stelpn­anna minna lést í gær­kvöldi á Hrafn­istu. Búinn að glíma við erf­iða heilsu síð­ast­liðna mán­uði. Lungun búin að vera honum erfið og búinn að þurfa að vera mikið á spít­ala. En samt alltaf stutt í bros og glens hjá honum . Sigr­að­ist á covid með þessi lungu. Mjaðma­grinda brotn­aði skömmu eftir það og sigr­að­ist líka á þeirri aðgerð og því sem því fylgdi. En svo fékk veik­burða lík­am­inn nóg þegar hann fór úr mjaðmalið í byrjun vik­unnar,“ segir Andrés.

Hann minnst svo hvernig hann var góður pabbi. „Hann var mér sem pabbi. Fékk æfinga akst­ur­inn minn hjá honum. Unnum saman í áburð­ar­verk­smiðj­unni í ein 3 ár. Klessti bíl­inn hans en það var ekk­ert mál hehe. Hann var góður pabbi. Var ekk­ert mikið fyrir það að henda til­finn­ingum í allar áttir en spurði samt alltaf hvernig aðrir hefðu það í kringum mig. Ég mun sakna hans. Minn­ingin hans lifir. Gamli frakt skip­verj­inn er vænt­an­lega búinn að kveikja sér í sígó og hefur það gott í sum­ar­land­inu.“