Misboðið yfir grímuleysi Íslendinga: „Ef þið sjáið þetta, þá vona ég að þið eignist ekki börn“

Útlend­ingar segja enga furðu á því að COVID sé að aukast á ný miðað við hegðun íslenskra karl­manna í Strætó. Í það minnsta er þeim mörgum mis­boðið innan Facebook-hóps­ins Away From Home – Complaining About Iceland. Kona nokkur að nafni Milda deilir innan hóps­ins mynd sem hún tók af full­orðnum karl­mönnum í strætó.

Hún segir þá hafa látið eins og börn. „Það voru nokkrir íslenskir karl­menn sem sett­ust í stræt­is­vagn­inn og tóku af sér grímuna strax. Þeir hlógu dátt og ræddu leik­inn sem þeir væri að horfa á og hvernig þeir ætl­uðu að detta í það. Síðan tóku þeir myndir af hvor öðrum og sögðu „þú deilir þessu og taggar mig, eins og vana­lega“. Ekki nóg með þetta þá gengu þeir um vagn­inn, skiptu um sæti og snertu allt,“ skrifar Milda, sem ber ef til vill ekki nafn með renntu.

Hún bætir við að lokum: „Engin furða að COVID sé að smit­ast þegar svona fólk er utandyra. Ef þið tveir sjáið þetta, þá vona ég að þið eign­ist ekki börn“

Í athuga­semdum segja eru flestir sam­mála henni. „Íslend­ingar smita engan af COVID, bara útlend­ingar,“ skrifar einn hæð­inn. Annar segir ein­fald­lega: „Þetta er það sem ger­ist þegar það er engin regla á hlutum.“