Brynjar vælir yfir að fara í skimun

Brynjar Níelsson, þing­maður Sjálf­stæð­is­flokks­ins, kvartar sáran undan því að hafa þurft að fara í sína fyrstu skimun í morgun. „Fór í mína fyrstu skimun í morgun. Nú tveim tímum síðar er ég nán­ast rúm­liggj­andi af sárs­auka efst í nefi alveg við fram­heil­ann auk kvíða­verkja. Kannski er skýr­ingin sú að ég er karl­maður og þing­maður að auki. Það er smá­mál að gleypa niko­tín­púða miðað við þessi ósköp. Verð að boða for­föll í lífs­leikni­nám­skeiði okkar manns. Skiptir kannski ekki öllu máli enda hvort eð er fall­inn,“ skrifar Brynjar á Facebook.

Hann gagn­rýnir svo rík­is­stjórn­ina sem hann á sjálfur hlut að. „Ég ætla ekki að núa þeim um nasir, og allra síst stjörnu­lög­mann­inum með ákveðnum greini, vegna nið­ur­stöðu hér­aðs­dóms um svo­kallað sótt­varna­hús. Við vitum ekki hvernig það mál endar á æðri dóm­stigum. En ég er enn að klóra mér í hausnum yfir þeim sem telja slíkt fang­elsi vera lúx­us­hótel og ætla að berj­ast fyrir því að Alþingi breyti lög­unum svo við getum áfram lokað inni ósmitað fólk í slíku húsi sem er með heim­ili hér á landi. Ég vissi ekki að með­al­hófs­reglan og stjórn­ar­skráin væri bara upp á grín.“