„Þú þarft ekki að vera í klámiðnaðinum til þess að eignast pening“

„Þú þarft ekki að vera í klám­iðn­að­inum til þess að eign­ast pen­ing.“

Segir Katrín Edda, áhrifa­valdur með meiru, á Instagram reikn­ingi sínum. Þar tjáir hún sig um OnlyFans umræð­una sem skap­ast hefur eftir við­tal sem kom út á dög­unum við þau Ósk Tryggva­dóttir og Ingólf Val Þrast­ar­son.

Í umræddu við­tali segja þau Ósk og Ingólfur frá OnlyFans síð­unum sem þau halda úti þar sem þau selja kyn­lífs­myndir og -mynd­bönd af sjálfu sér. Var því slegið upp að Ósk sé búin að græða 15 millj­ónir á síð­unni og finnst Katrínu Eddu starf þeirra látið hljóma líkt og algjört drauma starf, „græða 15 millj­ónir, rosa gaman og æði,“ segir hún.

OnlyFans er vefur sem gerir fólki kleift að selja efni til áskrif­anda. Efnið á síð­unni er af ýmsum toga, þetta gefur fólki til dæmis tæki­færi til að selja tón­list sína og var síðan upp­haf­lega hugsuð þannig, að sögn Katrínar Eddu. En nú er þar inni aðal­lega að finna eró­tískt efni.

Ósk og Ingólfur segja frá starfi sínu í hlað­varps­þætt­inum Eigin Konur, sem þær Edda Falak, áhrifa­valdur og sál­fræði­nem­inn Fjóla Sig­urð­ar­dóttir stýra.

Að mati Katrínar Eddu var rætt um efnið af mik­illi léttúð og óheil­brigt sé fyrir ungar stelpur að heyra þetta. Segist hún sjálf hafa verið sturluð og ýkt og skrýtin í hausnum þegar hún var yngri, „hver veit nema ég hefði látið mana mig í þetta og fund­ist þetta góð hug­mynd,“ segir hún.

Vitnar Katrín Edda í við­talið og segir Ósk hafa verið spurða hvort hún sé alltaf í suði til að taka upp efni. Ósk hafi svarað því til að hún væri ekki alltaf í stuði, hún væri stundum aum, en þá þyrfti hún bara að peppa sig í gang.
Annar þátt­ar­stjórn­and­inn spyr þá: „Já en það ekki bara þannig í öllum atvinnu­greinum?“ Sem Katrín Edda þver­tekur fyrir að svo sé: „Uhh NEI, það er ekki svo­leiðis í öðrum störfum að þú þurfir að neyða þig til að láta ríða þér eða ríða öðrum þrátt fyrir að vera illt í kyn­fær­unum til að halda vinn­unni.“

Einnig gagn­rýnir Katrín Edda annan stjórn­anda þátt­ar­ins fyrir að líkja starfi þeirra saman við að stunda kyn­líf. Segir Katrín þetta ekki bara að stunda kyn­líf, þetta sé að búa til og selja klám. Og bendir hún á að efni sem sett sé inn á OnlyFans geti lekið út um allt inter­netið og þetta muni fylgja þeim að eilífu.

Katrín Edda segir það jafn framt vera eitt að gefa inn­sýn inn í klám­heim­inn og annað að vera láta þetta hljóma sem góður og eðli­legur starfs­kostur.

Í kjöl­far umræð­unnar hjá Katrínu Eddu hafa fjöl­margir stigið fram og tekið undir orð hennar. Má þar nefna sjón­varps­kon­una Evu Laufey Kjaran, Manúelu Ósk Harð­ar­dóttur fyrrum feg­urð­ar­drottn­ing, Gerður Arin­bjarnar, eig­andi kyn­lífstækja­versl­un­ar­innar Blush.is og fleiri og fleiri.

Jafn framt hafa Ósk og Ingólfur svarað fyrir sig á Instagram reikn­ingum sínum, en lítið hefur heyrst frá stjórn­endum hlað­varps­þátt­ar­ins.