Lektor segir stjórnvöld gleyma mikilvægu atriði og því stefnir í sumar í sóttkví

Jóhanna Jak­obs­dóttir, , lektor í líf­töl­fræði og einn af höf­undum spálík­ans Háskóla Íslands um þróun far­ald­urs­ins, segir á Twitter að það þurfi að hliðra áætlun stjórn­valda um minnst tvær vikur.

Rík­is­stjórnin til­kynnti í gær áætlun um að öllum sótt­varna-tak­mörk­unum inn­an­lands yrði aflétt þegar stærsti hluti full­orð­inna hefði verið var­inn með að minnsta kosti fyrri skammti af bólu­efni. Vonast er til þess að það náist 1. júní. Jóhanna segir hins vegar að það taki minnst tvær vikur að fá nokkra vörn og því megi ætla að slíkt náist í fyrsta lagi um miðjan júní.

Ljóst er að það munar um tvær vikur á hásumri. Jóhann segir: „Mik­il­vægt að hafa í huga sem virð­ist gleym­ast: – Það tekur 2+ vikur að fá vörn (að hluta) eftir einn skammt af bólu­efni – Áætlun stjórn­valda þarf því að hliðra um a.m.k. 2 vikur (sjá næsta punkt),“ skrifar Jóhanna og heldur áfram.

„Það er verið að bólu­setja í nokkurn veg­inn ald­urs­röð. Það þýðir að þegar 65% bólu­sett með einum skammti verður ónæmi (að hluta) alls ekki jafn­d­reift og hjarð­ó­næm­is­þrös­k­uldi í ekki náð.“

Hún segir svo að börn virð­ast gleym­ast hjá stjórn­völdum. Það má segja að það sé ekki í fyrsta skiptið á COVID-tímum.  „Ekkert er rætt eða tekið til­lit til barna. Engar fréttir hafa komið um plön varð­andi þeirra bólu­setn­ingu (þegar bólefni sam­þykkt) – Liklegt að Pfizer sam­þykkt f. 12-15 í sumar. – Eigum nóg af öðru til að geyma Pfizer fyrir þau,“ segir Jóhanna.

Að lokum bendir hún á að lita­kóð­un­ar­kerfið virki illa hér. „Lita­kóð­un­ar­kerfi ECDC er ekki gott. Hentar okkur ekki. Þeirra skil­grein­ingar á grænu leyfir fleiri smit en við ráðum við. Okkar nýja skil­grein­ing á vín­rauðu er of ströng (þyrfti að miða við lægra nýgengi og taka til­lit til hlut­falls jákvæðra sýna).“