Bróðir Tínu í eigin blóðpolli eftir lögregluna: „Þvílík spilling sem lögreglan á Íslandi er orðin!“

„Mikið er ég reið og sár út kerfið. Í nóv­em­ber sl. var bróðir minn stopp­aður af fjórum lög­reglu­mönnum, það var brotið rúð­una á bílnum hans og hann dreg­inn út úr bílnum sínum þar sem honum var beitt piparúða ásamt því að vera bar­inn með kylfu í HÖFUÐIÐ þangað til hann féll í göt­una og rot­að­ist!“

Þetta skrifar Tína Ósk Her­manns­dóttir á Facebook. Hér­aðs­sak­sókn­ari hefur fellt niður mál á hendur umræddum lög­reglu­manni sem gekk hvað lengst. Hann hefur auk þess snúið aftur til starfa eftir leyfi. Þetta gerir Hér­aðs­sak­sókn­ari þrátt fyrir að sjón­ar­vottar hafi sagt lög­reglu hafa beitt grófu ofbeldi. Bróðir Tínu var stöðv­aður við Hval­eyr­ar­holt vegna gruns um vörslu fíkni­efna. Einn sjón­ar­vottur sagði við Frétta­blaðið að bróður Tínu hafi verið sleg­inn hand­tek­inn, ítrekað í höf­uðið með kylfu þar til hann rot­að­ist og féll á jörð­ina.

Tína segir þetta ekki sam­ræm­ast reglum um hegðun lög­reglu­manna. „Samkvæmt reglum um vald­beit­ingu lög­reglu­manna er óheim­ilt að beina höggi að höfði. Kylfu skal beita með þeirri aðgæslu að ekki hljót­ist af meira hnjask eða meiðsli en þörf krefur.”

Hún segir að lög­reglu­menn­irnir hafi ekki hætt þegar bróðir hennar rot­að­ist. „Hann lá með­vit­und­ar­laus í sínum eigin blóð­polli á göt­unni og þeir HÉLDU ÁFRAM að berja hann í höf­uðið með kylfu. Fíkill eða ekki, það á þetta eng­inn skilið. Það voru þrír sjón­ar­vottar og einn þeirra segir orð­rétt: „Þetta var ógeðs­legt, eins og í bíó­mynd,“ Hann hlaut heila­skemmdir og tauga­skemmdir sem við vitum ekki hvort muni ein­hvern tím­ann lag­ast,“ segir Tína.

Hún segir þetta ein­fald­lega spill­ingu og góða áminn­ingu um að lög­regl­unni sé ekki treystandi fyrir skot­vopnum. „Lög­reglu­mað­ur­inn var sendur í leyfi vegna máls­ins en í dag felldi hér­aðs­sak­sókn­ari málið niður og lög­reglu­mað­ur­inn hefur snúið aftur til starfa, hvaða kjaftæði er þetta? Þetta er ekk­ert annað en til­raun til mann­dráps. Þvílík spill­ing sem lög­reglan á Íslandi er orðin!  Er þetta það sem komið er til að vera í þjóð­fé­lag­inu, að lög­reglan geti beitt ofbeldi að vild án þess að vera refsað? Í þess­ari þróun af spill­ingu í lög­regl­unni myndi ég ekki vilja sjá lög­regl­una hér á Íslandi með byssur.“