„Endilega tjekkið á börnunum ykkar ef þau eru enn úti,“ segir Alexandra nokkur, íbúi í Mosfellsbæ, í færslu sinni til annarra foreldra og íbúa. Tilefni færslunnar er hópslagsmál ungra barna við hoppudýnur í bænum í gærkvöldi.
Alexandra segir frá átökunum í hópi bæjarbúa á Facebook:
„Hæhæ, sonur minn var að segja mér að það séu slagsmál á hoppudýnunni á Stekkjarflöt, 7-8 ára krakkar. Endilega tjekkið á börnunum ykkar ef þau eru enn úti.“
Af viðbrögðum hverfisbúa að dæma virðast þeir þakklátir Alexöndru fyrir að láta vita af átökum barnanna. Þá var hún hvatt til að rjúka út til að stöðva áflogin en illa stóð á hjá henni: „Get ekki farið sjálf, er ein með sofandi barn heima. Annars hefði èg að sjálfsögðu rokið af stað,“ segir Alexandra.
Sunna vonar að ekki hafi komið til meiðsla hjá krökkunum. „Vonandi ekkert alvarlegt,“ segir Sunna.
Berglind bendir á að þessi ungu krakkar hafi ekki verið þeir einu til vandræða við ærslabelginn í Mosó. „Sonur minn 9 ára sagði mér að það hefðu verið unglingar þarna í dag að reykja eitthvað í pípu. Þetta var á milli kl. 14 og 15. Voru líka að djöflast í þeim yngri, hrinda þeim af belgnum,“ segir Berglind.
Athugasemdir