Arnar segist hafa fundið glufu og selur áfengi heima að dyrum samdægurs

Arnar Sig­urðs­son, eig­andi Santewines, telur sig hafa fundið glufu í lögum sem gerir honum kleyft að fara fram hjá einka­leyfi ÁTVR á sölu áfengis hér á landi. Hann telur þetta nokkuð skot­helt en rætt var við hann í sjón­varps­fréttum RÚV.

Þessi smuga hans er ekki flókin. Fyr­ir­tækið er skráð í Frakk­landi og með erlenda hýs­ingu á vef­síð­unni. Því er það flokkað sem erlend net­verslun en Íslend­ingar mega versla í gegnum slíkar versl­anir. Þegar það var leyft hafa menn lík­lega ekki gert ráð fyrir því að hægt væri að fá vínið erlendis sam­dæg­urs. En Arnar er með lag­er­inn hér.

„Við erum búin að skoða allar hliðar máls­ins og með ótal lög­fræði­á­lit á því og það er engan blett að finna á þessu. Það er voða­lega sér­stakt við­horf að ætla sér að hafna inter­net­inu,“ sagði Arnar á RÚV en raf­ræna auð­kenn­ingu þarf til að versla á vef­síð­unni. Þar kemur einnig fram að vöru­húsið er lokað á sunnu­dögum, en sumir hafa barist fyrir því að fá að kaupa áfengi á þeim dögum. Þar má helst nefna dóms­mála­ráð­herra, Áslaugu Örnu Sig­ur­björns­dóttur.