Gunnar Smári foxillur yfir fyrirhugaðri einkavæðingu vegakerfisins: „Samvinnuhugsjón andskotans“

„Einka­fram­kvæmdir hafa sýnt sig að vera dýr­ari fyrir almenn­ing en opin­berar fram­kvæmdir. Almenn­ingur borgar þar ekki bara vega­gerð­ina, borun fjalla eða brú­ar­smíði, heldur einnig arð til eig­enda fyr­ir­tækj­anna ára­tugum saman, jafn­vel til eilífð­ar­nóns,“ segir Gunnar Smári Egilsson for­maður Sós­í­alista­flokks Íslands í harð­orði færslu á Facebook.

Heimilt að fela einkaaðilum gjaldtöku

Færslan kemur í fram­haldi af frum­varpi Sigð­urðar Inga Jóhanns­son um einka­væð­ingu þjóð­vega sem nú liggur fyrir Alþingi. Í frum­varp­inu segir:  „Til þess að opna á þann mögu­leika að stærri vega­fram­kvæmdir séu unnar sem sam­vinnu­verk­efni ríkis og einka­að­ila er nauð­syn­legt að kveða í lögum á um heim­ildir fyrir Vega­gerð­ina til að fela utan­að­kom­andi aðilum með samn­ingi fjár­mögnun til­tek­inna fram­kvæmda, hönnun þeirra, nauð­syn­legan und­ir­bún­ing og upp­bygg­ingu mann­virkj­anna og við­hald þeirra og rekstur. Þá yrði jafn­framt heim­ilt að fela einka­að­ilum gjald­töku af umferð um við­kom­andi mann­virki um til­tek­inn afmark­aðan tíma til að standa straum af kostn­aði við þau“.

Ein stærsta einkavæðing sögunnar

Gunnar Smári gefur lítið fyrir rök Sigurðar Inga og segir rík­is­stjórn­ina vera með í und­ir­bún­ingi eina stærstu einka­væð­ingu sög­unnar, sem sé að flytja vega­kerfið yfir til einka­að­ila í gegnum svo­kall­aðar einka­fram­kvæmdir (sem Sigurður Ingi, for­maður Fram­sóknar, kalli sam­vinnu­verk­efni, kannski sem yfir­lýs­ingu um að sam­vinnu­hug­sjón Fram­sókn­ar­manna snú­ist núna um að flytja opin­beran rekstur til hagn­að­ar­drif­inna einka­fyr­ir­tækja, en ekki um að byggja upp atvinnu­rekstur innan sam­vinnu­fé­laga, félaga í eigu starfs­fólks og við­skipta­vina, eins og áður var).

Almenningur neyddur

„Þessi fjár­flutn­ingur er plan­lagður undir yfir­lýs­ingum um að ríkið, þ.e. almenn­ingur, eigi ekki fyrir vega­fram­kvæmdum og verði að leita til ríka fólks­ins eftir fé. Þetta er algjör dellu­kenn­ing, það er nóg til. Og þar að auki; ef hún væri rétt ætti ríkið að skatt­leggja hin ríku eins og áður var gert og nota féð til að leggja vegi. Í stað þess að gefa hinum ríku eftir skatta sína, færa þeim síðan veg­ina svo almenn­ingur neyð­ist til að borga þeim fyrir afnotin.

Þetta er sam­vinnu­hug­sjón and­skot­ans”