Vandræðaleg mistök á Akureyri -Hvenær ætla bæjaryfirvöld að leiðrétta þetta?

Í nýjasti hverfi Akur­eyrar, Haga­hverf­inu svo­kall­aða í syðsta hluta bæj­ar­ins er gata sem heitir Matth­í­asar­hagi, eftir þjóð­skáld­inu Matth­í­asi Jochumssyni. En allar götur hverf­is­ins bera nöfn þekktra Akur­eyr­inga. Má þar meðal ann­ars nefna skáldin Davíð Stef­áns­son frá Fagraskógi og Kristján frá Djúpalæk, auk þekktra kvenna svo sem Jóninnu Sig­urð­ar­dóttur og hina harm­rænu Geir­þrúði Thoraren­sen.

En víkjum aftur að Matth­í­asar­haga.

Nýverið var gatan merkt á fjórum stöðum, með þar til gerðum götu­skiltum líkt og tíðkast, en ekki vildi betur til en svo að á öllum fjórum er að finna staf­setn­ing­ar­villu.

Á tveimur skilt­anna vantar h.

Spyrja bæj­ar­búar sig hvenær bæj­ar­yf­ir­völd ætli að leið­rétta mis­tökin?

Og á hinum tveimur er nafnið ritað með i en ekki í, líkt og rétt er.

Matthías flutt­ist til Akur­eyrar 1887 og var sókn­ar­prestur bæj­ar­búa í ára­tugi. En eins og allir vita er texti þjóð­söngs okkar Íslend­inga eftir Matthías.
Matthías and­að­ist 1920 og er ólík­legt að fleiri hafi mætt að einni jarð­ar­för en þá. Að minnsta kosti á Akureyri.