Það viðrar ekki vel fyrir Ingó Veðurguð þessi dægrin, enda mál hans það mest umtalaða í samfélaginu í dag.
Afbókanir hrúgast inn og næsta víst að tekjutap, og mannorðsmissir, hafa mikil áhrif á líf Ingós.
Eftir að hópurinn Öfgar tók sig til og birti yfir tuttugu nafnlausar sögur kvenna sem lýsa kynferðislegu ofbeldi af hálfu Ingós, er til dæmis búið að aflýsa þriðju seríu þáttanna „Í kvöld er gigg“ og segist Ingó hafa orðið af miklum tekjum undanfarnar vikur. Sögurnar sem Öfgar birtu voru nafnlausar en hópurinn hefur fullyrt að hann hefði fengið allar frásagnirnar staðfestar.
Sjá einnig: Tryggvi safnar undirskriftum til stuðnings Ingós – Þú getur stutt Veðurguðinn í baráttunni
Stærsta fréttin hvað varðar afbókanir og tekjumissi Ingós er án efa þegar hann var afbókaður sem stjórnandi brekkusöngsins í Eyjum um verslunarmannahelgina, en honum hefur Ingó stýrt sleitulaust síðan 2013. Þá fór skriðan af stað og síðan þá hefur hver afbókunin á eftir annarri litið dagsins ljós.
Einnig var afbókun á Kótelettuna – hátíð sem haldin var á Selfossi – heimabæ Ingós – á laugardaginn, þungt högg fyrir tónlistarmanninn; bæði tekjulega og líka varðandi mannorðið. Heimabærinn hafnaði honum.
Allt þetta staðfestir Ingó í samtali við vefmiðilinn visir.is.
„Þetta eru mjög mörg gigg. Ég hef haldið utan um þetta allt saman,“ en Ingó er með lögfræðing á sínum snærum og segist „bara fara rétta leið með þetta mál.“
Sjá einnig: Anna og Elísa fullyrða að Ingó Veðurguð hafi verið bannaður í félagsmiðstöðvum – Sjáðu svar Samfés
Straumhvörf urðu nýlega í máli Ingós þegar fyrsta konan sem hann á að hafa áreitt steig fram opinberlega og undir nafni – Andrea Aldan Hauksdóttir, eins og kom fyrst fram á mannlif.is.
Ekki er ólíklegt að með frumkvæði Andreu hafi nú þriðja #metoo-byltingin litið dagsins ljós eftir að kjörkuð Andrea reið á vaðið.
Athugasemdir