Lúsmýið heldur áfram að dreifa sér um landið og hrella landann

Lúsmýið, lítt skemmti­lega, heldur áfram dreifa sér um landið líkt og skor­dýra­fræð­ingar höfðu spáð fyrir um. Fyrst varð vart við lúsmý, sem sýgur blóð úr mönnum og öðrum spen­dýrum, hér á landi árið 2015. Var aðal útbreiðslu­svæði hennar þá Suð­vest­ur­land. Þá hefur lúsmý fund­ist í Eyja­firði og nú síð­ast hefur orðið vart við það í Stykk­is­hólmi, Húna­vatns­sýslu og Fnjóska­dal.

Lús­mý er um tveir milli­metr­ar á lengd en bit­mý, mý­varg­ur, er miklu stærra eða 8-10 milli­metra langt. Það finnst víða um land og auð­velt er að koma auga á. Á meðan öllu minna fer fyrir lús­mý­inu.

Sagði Gísli Már Gíslason, pró­fessor emeritus í vatna­líf­fræði við HÍ, í sam­tali við mbl.is, að lús­mýið sé orðið frekar algengt í sveitum Suð­ur­lands og í Fljóts­hlíð. Þá sé það einnig afar al­gengt á Vest­ur­landi, meðal ann­ars í Kjós­inni, Hval­fjarð­ar­sveit, í Borg­ar­f­irði og víðar.

„Sjálf­ur var ég bit­inn fyr­ir ári í Miðfirði í Húna­vatns­sýslu og ég veit að fólk hef­ur verið bitið í Eyjaf­irði og í Vagla­skógi í Fnjóska­dal. Svo var ég að frétta af fólki sem var illa bitið í Helga­fells­sveit,“ sagði Gísli.

Svæði sem enn virð­ast vera laus við óværuna er utar­legt Snæ­fells­nes, Vest­firðir, Þing­eyj­ar­sýsla, að und­an­skildum Fnjóska­dal, Aust­firðir og Suð­aust­ur­land.