Katrín svarar loks Sigmundi Davíð: „Kynin eru ekki lengur tvö“

Samkvæmt lögum um kyn­laust sjálf­ræði, er hug­takið kyn skil­greint sem „safn­hug­tak sem nær meðal ann­ars yfir kynein­kenni, kyn­gervi, kyn­vit­und og kyntján­ingu“. Skil­grein­ing kyns ræðst því ekki ein­göngu af líf­fræði, segir í svari for­sæt­is­ráð­herra.

Þann sjötta júlí síð­ast­lið­inn lagði Sig­mundur Davíð Gunn­laugs­son, for­maður Mið­flokks­ins, fram fyr­ir­spurn til Katrínar Jak­obs­dóttur, for­sæt­is­ráð­herra. Hljóðar fyr­ir­spurnin svohljóð­andi „Hversu mörg eru kyn mann­fólks að mati ráðu­neyt­is­ins?“

Svar Katrínar kom svo í dag, einum og hálfum mán­uði síðar en þar vitnar hún í fyrr­nefnd lög um kyn­laust sjálf­ræði. í þeim lögum segir enn­fremur að þar „er kveðið á um óskor­aðan rétt ein­stak­linga til að skil­greina kyn sitt. Samkvæmt sömu lögum er hlut­laus skrán­ing kyns heimil og ber aðilum sem skrá­setja kyn að gera ráð fyrir því að ein­stak­lingar geti skráð kyn sitt með þrennum hætti, kona, karl og kyn­hlut­laus.“

Frá 6. jan­úar hefur verið hægt að haka við „kynsegin/annað“ við skrán­ingu kyns hjá Þjóðskrá og þannig óska eftir hlut­lausri skrán­ingu kyns. Var þetta ákveðið í sam­starfi við Samtökin ’78.

Að lokum segir í svari Katrínar „Kynin sam­kvæmt lögum eru ekki lengur tvö, kona og karl, heldur opnar skil­grein­ingin á hug­tak­inu í lögum á þann mögu­leika að kyn séu fleiri.“