Dorrit datt og meiddist: „Næsta sem ég man er að ég er liggjandi og Samson kom mér til bjargar“

Fyrr­ver­andi for­seta­frúin Dorrit Moussaief er með spelku heima að jafna sig eftir að hundur hennar Samson felldi hana á göngu í Mos­fells­sveit í gær.

Vísir greinir frá.

Greint er frá því að hundur Dorritar sé þó ekki söku­dólg­ur­inn í mál­inu, heldur hetjan.

Samson kom til bjargar.

Þannig var að hópur hrossa var í aðsigi og í þann mund að hlaupa Dorrit niður, þegar hund­ur­inn Samson kom henni til bjargar.

Segir Dorrit að það sé að vissu leyti henni að kenna að vera að þvæl­ast inni á túni hjá þeim.

Hún sagði í sam­tali við Vísi að „ég var bara að labba og ég sé hóp hesta hlaupa í átt­ina að mér. Það næsta sem ég man er að ég er liggj­andi, en ég held að Samson hafi komið úr annarri átt til að koma mér til bjargar. Hann hefur gert það áður í London þegar bíll var að koma í átt­ina að mér, þetta er í raun­inni mjög sér­stakt. En ég fór á sjúkra­húsið og fékk dásam­lega þjón­ustu og þarf núna að vera heima í viku eða tvær, sem er bara fínt.“

Dorrit meidd­ist á lið­böndum í hné, en röntgen­mynd leiddi í ljós að bein hafði ekki brotnað, en Dorrit var eðli­lega brugðið þegar atvikið varð og er hund­inum Samson þakk­lát.

„Það sem er sér­stakt við þetta er að Samson birt­ist bara allt í einu. Hann var lengst í burtu og hvergi nærri. Ég fór sjálf allt of nálægt hest­unum.“