„Ég var að spila minn síðasta landsleik hér í kvöld og þakka kærlega fyrir mig,“ sagði Hannes Þór Halldórsson sem spilaði í gærkvöldi sinn síðasta leik fyrir landsliðið en tilkynnti hann það í viðtali við Eddu Sif Pálsdóttur á RÚV að leik loknum. Hannes er er einnbesti markmaður allra tíma á Íslandi.
„Þetta var mjög tilfinningaþrunginn gluggi en við urðum að einbeita okkur að því sem við vorum komnir hingað til að gera. Það er að spila fótbolta og það eru fullt af ungum leikmönnum að koma inn og spennandi tímar fram undan,“ sagði Hannes.
Margar af hans bestu minningum í landsliðstreyjunni.
„Ég er búinn að spila með landsliðinu í tíu ár, nánast upp á dag. Ég er mjög stoltur af því og búinn að eiga ótrúlegar stundir í þessari landsliðstreyju. Þar liggja margar af mínum bestu minningum.
„Mér líður bara þannig núna að þetta sé komið gott“
Hannes sagðist hafa þá tilfinningu á að nú væri rétti tíminn til þess að hætta
„Mér líður bara þannig núna að þetta sé komið gott. Ég held að ég verði að elta þá tilfinningu og finnst þetta rétt í stöðunni,“ sagði Hannes en var þetta 77. landsleikurinn sem hann spilaði fyrir Íslands hönd og hefur enginn markmaður spilað jafn marga leiki.
Hannes Þór Hallórsson er fæddur 27.apríl 1984 og byrjaði sinn fótboltaferil með Leikni árið 2002 og var þar til 2004. Árið 2005 spilaði Hannes fyrir Aftureldingu og fór þaðan yfir í Stjörnuna árið 2006.
Frá árinu 2007 til 2010 spilaði Hannes fyrir Fram og gerði svo tveggja ára samning við KR eftir það eða frá árinu 2011-2013.
Þá var ferðinni heitið út fyrir landsteinana hjá Hannesi, en fór að láni í stuttan tíma til Noregs árið 2012 þar sem hann spilaði fyrir SK-Brann meðan markmaður liðsins náði sér eftir meiðsli.
Í desember 2013 gekk Hannes til liðs við Sandnes Ulf í Noregi en hafði hann æft með þeim í október sama ár sem undirbúning fyrir undankeppni heimsmeistaramótsins í fótbolta en var sá leikur á móti Króötum. Þess má geta að Hannes hélt markinu hreinu í þeim leik.
Árið 2015 gekk Hannes til liðs við Dutch Eredivisie club NEC og fór hann svo yfir til danska félagsins Randers FC.
Hannes endaði feril sinn utan landsteinana hjá liðinu Qarabağ FK árið 2019, einu ári áður en samningurinn átti að renna út. Hélt Hannes þá aftur heim til Íslands í Val sem gerði við hann fjögurra ára samning.
Landsliðið
Hannes spilaði fyrst fyrir íslenska landsliðið árið 2011 og var það byrjunin af glæsilegum ferli hans með landsliðinu.
Hannes stóð í marki íslendinga í öllum 12 leikjum fyrir undankeppni HM árið 2014 og kom þannig íslenska landsliðinu,með hjálp liðsfélaga á stórmót í fyrsta sinn.
Árið 2016 spilaði Hannes með landsliðinu á UEFA og fékk íslenska landsliðið silfrið í öðru sæti.
Þá var Hannes í 23 manna hóp Íslands fyrir HM í Rússlandi árið 2018 og sýndi hann framúrskarandi árangur fyrir Íslands hönd.
Fyrsti leikur Íslendinga var á móti Argentínu þar sem Hannes varði vítaspyrnu frá engum öðrum en Lionel Messi. Leikurinn endaði 1-1 og var Hannes Þór valinn maður leiksins.
Utan vallar hefur Hannes unnið við kvikmyndaleikstjórn hjá Sagafilm og við auglýsingagerð.
Áður en Hannes hélt út til Noregs í atvinnumennsku í fótbolta lofaði vinnuveitandi honum starfið aftur er hann sneri heim, en Hannes hafði það markmið að spila fótbolta erlendis.
Það má segja að það hafi tekist og gott betur en það.
Hannes Þór Halldórsson, takk fyrir okkur!
Athugasemdir