„Við héldum að hann fengi kannski tíu ár í viðbót“

Leik­stjór­inn Árni Ólafur Ásgeirs­son greind­ist með krabba­mein 11. febr­úar á þessu ári, strax var ljóst að veik­indin væru alvar­leg. Þann 26. apríl var hann lát­inn, aðeins 49 ára gam­all.

Marta Luiza Macuga, eig­in­kona Árna, er í hjart­næmu við­tali í nýjasta tölu­blaði Vikunnar, þar sem hún ræðir hjóna­band þeirra, veik­indin og miss­inn.

Segir hún að þau Árni hefðu von­ast eftir lengri tíma saman og aldrei rætt dauð­ann sér­stak­lega.
Marta segir þau alls ekki hafa verið undir það búin að kveðja svona fljótt.

„Við héldum að hann fengi kannski tíu ár í við­bót,“ segir Marta og segir þau hafa verið ákveðin í að berj­ast.

Kvartaði aldrei þrátt fyrir að líða miklar kvalir

Marta segir frá því að Árni hafi aldrei kvartað, þrátt fyrir að hafa verið kval­inn í langan tíma.

„En bein­krabba­mein er mjög sárs­auka­fullt, hann var mjög kval­inn síð­ustu vik­urnar og það var erfitt að sjá hann þjást svona og geta ekk­ert gert þótt hann reyndi alltaf að virð­ast sterkur fyrir alla í kringum sig.“

Læknar voru stöðugt að reyna finna leiðir til að draga úr sárs­auk­anum segir Marta.

„Maður getur ekki ímyndað sér hversu kvala­fullt krabba­mein er, nema hafa horft upp á ást­vin ganga í gegnum það. Þetta er svo kvala­fullt og langt ferli. Mér finnst í raun ótrú­legt að við séum á 21. öld­inni en samt séum við ekki komin lengra í bar­átt­unni við þennan vágest. Það eru von­brigði en kemur von­andi að því einn dag­inn. Krabba­meinið sem Árni Óli fékk var af mjög sjald­gæfri teg­und og það er fyrst núna sem byrjað er að prófa ný lyf við því en það er á byrj­un­ar­stigi.“