Björn Ingi tók líf sitt í gegn: „Ekki hægt að bjóða lítilli dóttur minni upp á feitan pabba“

Björn Ingi Hrafns­son, rit­stjóri vef­mið­ils­ins vilj­inn.is hefur heldur betur tekið líf sitt í gegn og er í dag í topp­málum, and­lega og lík­am­lega, eins og sést.

Hann segir í færslu í dag frá örsögu úr hvers­dags­leik­anum:

„Ef ég get þetta þá geta það allir. Það varð margt til þess að ég tók heils­una í gegn fyrir nokkrum árum. Ekki var hægt að bjóða lít­illli dóttur minni upp á feitan pabba sem gæti ekki leikið við hana eða lifað með henni fram á full­orð­insár.”

Björn segir að „fyrir þann sem glímir of lengi við aukakíló, auka­kvilla á borð við háan blóð­þrýst­ing og of mikla streitu, er krafta­verk að sjá bumb­una hverfa og þróa þess í stað með sér maga­vöðva, geta farið án aðstoðar í upp­hýf­ingar, gert erf­ið­ari teg­und­ina af arm­beygjum, fara í sjó­böð, læra furðu­stell­ingar í jóga og hlaupa lengri vega­lengdir eins og ekk­ert sé. Geta hætt á blóð­þrýst­ings­lyfjum og ger­breyta um lífstíl.

Andlega heilsan er líka allt önnur og áfeng­is­bind­indið skiptir þar miklu máli.”

Í nýju hlað­varpi (Björn Ingi á Viljanum) ætlar Björn Ingi að fjalla um and­lega og lík­am­lega ferða­lagi sitt og segir að lokum „að von­andi líta ein­hverjir á það sem hvatn­ingu til góðra verka. Það er nefni­lega allt hægt og aldrei of seint að byrja”.