Tinna buguð vegna Elko-viðskipta: „Núna er helvítið hætt að virka aftur“

Tinna nokkur er alls ekki sátt með þjón­ustu Elko eftir að hafa keypst sér ryksuguró­bot í versl­un­inni. Þrátt fyrir ítrek­aðar til­raunir fær hún hvorki við­gerð­ar­þjón­ustu né nýtt tæki þó hið gamla virki ekki.

Róbotinn keypti Tinna að eigin sögn fyrir tveimur árum síðan en eftir að sá fyrsti bil­aði fékk hún nýjan fyrir síð­ustu jól. Marg­sinnið hefur hún þurft að fara með tækið í við­gerð, sem er baga­legt þar sem hún býr ekki í höf­uð­borg­inni. Á ryksugan á að vera ábyrgð en búðin segir vanda­málið liggja hjá Tinnu sjálfri. „Hún hætti að virka núna í sept og ég fór með hana, sýndi þeim að hún færi bara af stað í smá­stund og ekki meir, Mér var sagt að skilja hana eftir, þau ætl­uðu að skoða hana og hugs­an­lega gera við hana. Hún var hjá þeim í 4 vikur og svo var mér sagt að þeir hefðu ekki getað fundið neitt að henni nema að hún væri skítug og ég mætti alveg þrífa hana af og til, segir Tinna og bætir við:

„Ég óskaði eftir að fá bara nýja eða velja mér aðra týpu því ég nenni þessu ekki enda­laust. Nei þá var það ekkij í boði. Núna er hel­vitið hætt að virka aftur og eina sem ég fæ er að ég þurfi að fara sömu leið, missa hana í 4 vikur og keyra með hana sér­ferð í Reykja­vík til að skila henni á verk­stæðið og láta gera við hana eða eitt­hvað. Er minn réttur ekki meiri en sá að ég þarf bara að gera þetta enda­laust?“

Tinna fjallar um vanda­málið í fjöl­mennu sam­fé­lagi á Facebook, Vertu á verði – eft­ir­lit með verð­lagi. Þar virð­ast margir kann­ast við vesen varð­andi ryksuguró­bót­ana og þjón­ustu­leysi hjá Elko.