Íslendingurinn Birkir Blær slær í gegn í Svíþjóð

Í gær­kvöldi komst Akur­eyr­ing­ur­inn, Birkir Blær Óðinsson, í úrslit sænsku Idol söng­keppn­innar á TV4.

Keppnin er afar vin­sæl í Svíþjóð og hafa margir af þekkt­ustu söngv­urum Svía tekið þátt í henni. Má þar meðal ann­ars nefna Eurovision stjörn­u­rnar Laureen, Måns Zelmerlöw og Tusse Chiza.

Óhætt er að segja að Birkir hafi unnið hug og hjörtu Svía og skal engan undra því hér er á ferð frá­bær lista­maður.

Birkir er búsettur í Gauta­borg, þar sem hann stundar tón­smíðar og upp­tökur. En fyrr á árinu gaf hann út sína fyrstu plötu, Patient, sem hægt er að hlusta á hér.

Mikil spenna fyrir norðan

Mikil spenna var í loft­inu á veit­inga­staðnum Vamos á Akureyri í gær­kvöldi, þangað sem fjöl­skylda og vinir Birkis fjöl­menntu og fylgd­ust með sínum manni. Þar braust vit­an­lega út mikil gleði þegar kunn­gert var hverjir kæmust áfram í úrslit.

Faðir Birkis, Jón Óðinn Waage, pistla­höf­undur með meiru er búsettur í Svíþjóð og var hann í salnum ásamt konu sinni og fleirum að styðja son­inn.

Birkir með föður sínum Jóni Óðni

Hér má hlusta á fyrri flutn­ing Birkis í gær­kvöldi, þar sem hann syngur lag Harry Style, Sign of the Times.

Og hér má hlusta á þann seinni, þar sem Birkir flytur lagið Are you gonna be my girl.

Það verður óneit­an­lega spenn­andi að fylgj­ast með úrslitum keppn­innar næsta föstu­dags­kvöld. Óskar Mannlíf Birki góðs gengis. Áfram Birkir Blær!