300 manna leynihópur íslenskra perverta – Samansafn klámmynda af íslenskum stelpum

Blaða­maður Mannlífs komst inn í hóp á sam­fé­lags­miðl­inum Discord þar sem karl­menn deila nekt­ar­myndum af íslenskum stelpum. Þar inni voru bæði nekt­ar­myndir og mynd­bönd sem stelpur höfðu tekið og sent í trún­aði, einnig voru óskir frá karl­mönnum um myndir af til­teknum stelpum.

Um 300 Íslend­ingar eru í hópnum en nokkrir virð­ast hafa ein­ungis verið þar til að til­kynna hann sem á end­anum varð til þess að sam­fé­lags­mið­ill­inn Discord, sem hýsti hóp­inn, lok­aði honum og setti alla með­limi hóps­ins í bann frá mið­ilnum. Oft hefur Discord verið kall­aður sam­fé­lags­mið­ill fyrir tölvu­leikja­spil­ara. Mannlíf greindi frá hópnum í gær.

Krist­björg, sem sagði fyrst frá hópnum á Twitter síðu sinni, fann út að minnsta kosti sex nöfn manna sem voru þar inni en ein­falt er að halda nafn­leynd og not­ast ein­ungis við not­enda­nafn á miðl­inum. Hún sagði frá því á Twitter í dag að hún væri búin að kæra þetta mál og færa lög­regl­unni upp­lýs­ingar um þessa sex menn. Krist­björg hvetur fólk til að hafa sam­band við lög­regl­una ef ein­hver kann­ast við fleiri af þessum 300 manna lista.

Ekki náð­ist sam­band við þá sem fara með stjórn þess­ara mála hjá lög­regl­unni.