Evrópska efnahagssvæðið (EES) er sameiginlegt markaðssvæði 31 ríkis í Evrópu sem komið var á með EES-samningnum og tók formlega gildi 1. janúar 1994.
Aðild að EES eiga öll 28 aðildarríki Evrópusambandsins, sambandið sjálft og 3 aðildarríki Fríverslunarsamtaka Evrópu (EFTA).
Sviss er eina EFTA-ríkið sem stendur utan EES, þar sem að aðild að samningnum var hafnað í þjóðaratkvæðagreiðslu þar í landi.
Það hafa aldrei verið jafn margir ríkisborgarar frá löndum Evrópska efnahagssvæðisins (EES) starfandi hér á landi og í ár.
44.072 ríkisborgar frá EES-löndum, eða 11,72% landsmanna, eru með skráða búsetu hér á landi samkvæmt nýjastu tölum Þjóðskrá Íslands.
EES ríkisborgurum hefur fjölgað töluvert á undanförnum árum, eða um 7.374 frá desember 2018, sem er 14,6% aukning.
Fjórfrelsi EES-samningsins tryggir frjálsa för fólks, varnings, þjónustu og fjármagns fyrir alla ríkisborgara innri markaðsins, og njóta margir góðs af, meðal annars á Íslandi.
EES-samningurinn veitir EFTA-ríkjunum Íslandi, Liechtenstein og Noregi aðgang að innri markaði Evrópusambandsins án þess að þau þurfi að gerast fullir meðlimir að sambandinu.
Fjórfrelsið svokallaða gildir á öllu svæðinu, en það felur í sér frjáls vöru- og þjónustuviðskipti, frjálsa fjármagnsflutninga og sameiginlegan vinnumarkað.
Að auki kveður EES-samningurinn á um samvinnu EES-ríkjanna á sviði félagsmála, jafnréttismála, neytendamála, umhverfismála, menntamála, vísinda- og tæknimála o.fl.
Athugasemdir