Þriggja hæða timburhús frá 1917 stendur á eignarlóð við Nýlendugötu 45 í hjarta Reykjavíkur.
Húsið, sem er 183,6 fermetrar að stærð, hefur fengið gott viðhald, en það er bárujárnsklætt og bakgarðurinn afgirtur með sólpalli. Lind fasteignasala hefur þessa sérstakega sjarmerandi eign á söluskrá.
Í kjallara hússins er aukaíbúð og því möguleiki á leigutekjum, en húsið sjálft er á þremur hæðum.
Árið 2004 voru tvær efri hæðir hússins teknar í algerlega í gegn og sá Inga Sigurjónsdóttir, hjá Stúdíóhring, um hönnunina, sem er einstaklega smekkleg og í takt við aldur hússins.
Sérsmíðaður stigi var settur inn á nýjan stað til þess að bæta skipulag og nýta rými miðhæðar betur en það tókst vel til.
Á árunum 2010 til 2020 hafa ýmsar endurbætur orðið á húsinu; allt frá nýju baðherbergi til nýrra lagna, en frekari sundurliðun á endurbótum má nálgast á vef fasteignasölunnar.
Bakgarður hússins er afar fallegur, en mikil veðursæld og gott skjól er þar á vor- og sumardögum.
Til vinstri á myndinni má sjá sérstandandi bílskúr sem er 20,4 fermetrar að stærð og möguleikar til þess að nýta skúrinn eru ótal margir.
Fyrir áhugasama er hægt að nálgast fleiri myndir og frekari upplýsingar á vef fasteignasölunnar.
Athugasemdir