Svona léttist Svandís um 45 kíló: „Eina sem mig langaði í var súkkulaði, kökur, kex og sósur“

Á hverju ári fjölgar í rækt­inni í jan­úar, þar sem fólk vill að koma sér aftur í form eftir kræs­ingar og kósý­heit yfir jóla­há­tíð­ina. Margir hafa prófað nær allar þær leiðir sem til eru til að létt­ast, en ekk­ert dugað.

Í hópnum Iceland Carnivore Tribe-Kjötætur virð­ist Svandís nokkkur hafa fundið réttu leið­ina og lést um ca. 45 kg. Því miður stóð árang­ur­inn ekki lengi yfir því hún átti í vand­ræðum um jólin.

Svona lýsir Svandís aðferð­inni:

„Er búin að vera á carnivore ca 95% síðan í ágúst 2019.

Búin að létt­ast um ca 45 kg og fá heils­una aftur að mestu leyti.

Núna í des­em­ber ákvað ég að taka mánuð í að borða það sem mig lang­aði í yfir jólin.

Það sem kom mér mest á óvart þegar ég hugsa til baka er að það eina sem mig lang­aði í var súkkulaði, kökur, kex og sósur.

Grænmeti og ávextir komu hvergi fram í mínum löng­unum.

Fékk mér hvíta sósu og smá kart­öflu með hangi­kjöt­inu og bak­aða kart­öflu með nauta­mör­bráð­inni á gaml­árs­dag.

Og bætti á mig 7 kg.“

Það er vand­lifað í þessum heimi.

Carnivore matar­æðið svo­kall­aða er matar­æði sem inni­heldur aðeins kjöt, fisk og annan dýra­fóður eins og egg og ákveðnar mjólk­ur­vörur. Það úti­lokar öll önnur mat­væli, þar á meðal ávexti, græn­meti, belg­jurtir, korn, hnetur og fræ.