Björgvin Páll: „Nú er búið að „dæma mig” aftur út úr mótinu“

Björgvin Páll Gúst­avs­son, mark­maður íslenska lands­liðs­ins í hand­bolta, greindi frá því á Facebook síðu sinni að hann fái ekki að taka þátt í leik íslend­inga gegn Svart­fjalla­landi í dag. Ástæða þessa segir hann vera CT gildi síð­ustu PCR prófa en Björgvin hefur lokið átta daga ein­kenna­lausri ein­angrun. CT gildi eru sögð gefa til kynna lík­urnar á að ein­stak­lingur sé smit­andi.

„Nú er búið að “dæma mig” aftur út úr mót­inu og í ein­angrun útfrá CT gildum síð­ustu PCR prófa. Ég má því ekki taka þátt í leiknum okkar gegn Svart­fjalla­landi á eftir.

Mér skilst að reglur móts­ins séu strang­ari og æðri lands­lögum hér í Ung­verja­landi, en sam­kvæmt þeim ætti ég að vera laus úr ein­angrun nú þegar en èg greind­ist með covid fyrir 8 dögum síðan.

HSÍ gæti þar með skráð mig af mót­inu á þessum tíma­punkti og þannig gæti ég mætt í höll­ina sem áhorf­andi og öskrað úr mér lungum á eftir.

Ég mun hins­vegar ekki fara fram á slíkt því að ég trúi því að við munum sigra leik­inn í dag og komum þá til með að spila fleiri leiki.

Þetta er allt saman sér­stak­lega þreyt­andi og furðu­legt þar sem að ég hef verið full­frískur frá degi eitt, ein­kenna­laus, þrí­bólu­settur og losn­aði úr ein­angrun fyrir 2 dögum síðan með CT gildi uppá 38,1 á 5. degi í ein­angrun.

Vel­kom­inn í leik­hús fárán­leik­ans, EM 2022. Þangað til næst… Áfram Ísland!“

Leikur Íslands á móti Svart­fjalla­lendi hefst klukkan 14:25 í dag.