Ný landskjörstjórn skipuð af innanríkisráðherra

Jón Gunn­ars­son, inn­an­rík­is­ráð­herra hefur skipað nýja lands­kjör­stjórn frá og með 1. jan­úar 2022. Lands­kjör­stjórn er sjálf­stæð stjórn­sýslu­nefnd sem hefur yfir­um­sjón með fram­kvæmd kosn­inga og ann­ast fram­kvæmd kosn­inga­laga. Lands­kjör­stjórn heyrir stjórn­ar­fars­lega undir ráð­herra sem fer með mál­efni kosn­inga. Skip­un­ar­tími í lands­kjör­stjórn er fimm ár en þó þannig að hvert ár rennur út skip­un­ar­tími eins stjórn­ar­manns.

Urðu að endurtelja atkvæði í kjördæmi í haust

Eins og kunn­ugt er var handa­gangur í öskj­unni í haust þegar Ingi Tryggva­son, for­maður yfir­kjör­stjórn­ar í Norðvest­ur­kjör­dæmi, sagði að ábend­ing frá Kristínu Edwald, for­manni lands­kjör­stjórnar, hafi orðið til þess að ákveðið hefði verið að end­ur­telja atkvæði í kjör­dæm­inu í haust.

„Það kom ábend­ing um að það væri lít­ill munur á milli jöfn­un­ar­sæta í kjör­dæm­inu og við beðin að skoða málið í því ljósi,“ sagði Ingi.

Vegna þess­ara mála seink­aði komu þings­ins um tvo mán­uði.

Stjórnarmenn kosnir af Alþingi

Aðrir stjórn­ar­menn sem kosnir eru af Alþingi skulu skip­aðir til eins árs og þriggja ára og vara­menn þeirra til jafn­langs tíma. Hlut­kesti skal ráða stjórn­ar­tíma hvors full­trúa. Annar full­trúi Sambands íslenskra sveit­ar­fé­laga skal skip­aður til tveggja ára og hinn til fjög­urra ára og vara­menn þeirra til jafn­langs tíma. Hlut­kesti skal ráða stjórn­ar­tíma hvors full­trúa Sam­bands­ins.

Formaður lands­kjör­stjórnar er Kristín Edwald, lög­maður skipuð til fimm ára, aðrir í lands­kjör­stjórn eru: Ólafía Ing­ólfs­dóttir, kosin af Alþingi, skipuð til eins árs, Hulda Katrín Stef­áns­dóttir, kosin af Alþingi, skipuð til þriggja ára, Magnús Karel Hann­es­son, til­nefndur af Sambandi íslenskra sveit­ar­fé­laga, skip­aður til tveggja ára og Ebba Schram, til­nefnd af Sambandi íslenskra sveit­ar­fé­laga, skipuð til fjög­urra ára.

Varamenn í lands­kjör­stjórn eru: Iðunn Garð­ars­dóttir, kosin af Alþingi, skipuð til fimm ára, Arnar Krist­ins­son, kos­inn af Alþingi, skip­aður til eins árs, Helgi Bergmann, kos­inn af Alþingi, skip­aður til þriggja ára, Ágúst Sigurður Ósk­ars­son, til­nefndur af Sambandi íslenskra sveit­ar­fé­laga, skip­aður til tveggja ára og Elín Ósk Helga­dóttir, til­nefnd af Sambandi íslenskra sveit­ar­fé­laga, skipuð til fjög­urra ára.