Einn vinsælasti hlaðvarpsþátturinn í pásu: „Við vildum hvíla okkur áður en það yrði að vandamáli“

Einn allra vin­sæl­asti hlað­varps­þáttur lands­ins er kom­inn í pásu. Í gær birti Flosi Þor­geirs­son, gít­ar­leik­ari Ham og annar stjórn­enda Drauga for­tíðar, yfir­lýs­ingu frá þeim Baldri Ragn­ars­syni, tón­list­ar­mann og hinum helm­ingnum í þætt­inum, í umræðu­hópi á Facebook.

Þar til­kynntu þeir félagar að Draugar for­tíðar, sem er einn allra vin­sæl­asti hlað­varps­þáttur á Íslandi, færi nú í pásu um óákveð­inn tíma. Hér er yfir­lýs­ingin í fullri lengd:

„Heil og sæl ágæta fólk.Nú er þriðju­dagur og vana­lega væri ég að skrifa hér til að til­kynna að von væri á nýjum þætti skömmu eftir mið­nætti.Nú kveður við annan tón því ég er að til­kynna ykkur að það kemur

EKKI 

þáttur í þessarri viku og reyndar ekki í bráð. Við þurfum að taka okkur pásu. Ekki halda að við séum orðnir leiðir á þessu. Þvert á móti. Okkur finnst þetta enn jafn gaman og skemmti­legt. Hins vegar eru Draug­arnir skemmti­efni, hlið­ar­verk­efni en ekki aðal­vinnan okkar. Maður þarf að átta sig á hvenær nauð­syn­legt er að gera hlé.

Stuðn­ings­fólk okkar á Patreon sýpur nú eflaust hveljur en þið þurfið ekki að örvænta. Við höldum áfram að gera þætti fyrir ykkur. Næsti þáttur kemur á morgun en lík­lega seinnipart dags.

Ég vildi að ég gæti sagt hvenær við snúum aftur en við bara hrein­lega vitum það ekki sjálfir. Best að lofa ekki upp í erm­ina á sér.

Við höfum staðið vakt­ina í hverri viku síðan í maí 2020 svo eflaust geta mörg ykkar nýtt tím­ann til að hlusta á þætti sem eru á biðlist­anum.Takk inni­lega fyrir áhug­ann, hrósið og ábend­ingar sem við höfum fengið. Þessi hópur er orð­inn afar fjöl­mennur og skemmti­legur og von­andi verður hann vel virkur áfram.Hafið það sem allra best.Baldur og Flosi.“

Mannlíf hafði sam­band við Baldur og spurði hann nánar út í ákvörð­un­ina um pás­una.

„Það var bara komin þreyta í okkur og við vildum hvíla okkur áður en það yrði að vanda­máli. Þetta er nefni­lega það skemmti­leg­asta sem við gerum og við viljum klár­lega ekki koma okkur í þær aðstæður að Draug­arnir hætti að vera það. Þannig að þetta er nú bara pása þar til við teljum okkur klára í slag­inn aftur!“

Aðspurður um það hvort ein­hver önnu hlað­varps­verk­efni væru á döf­inni hjá þeim sagði hann ekki svo vera. „Engin önnur verk­efni nið­ur­jörfuð sem slík, bara að passa upp á það sem manni þykir vænt um.“