Stefna eiganda Bræðraborgarstígs þar sem þrír létust – Reykskynjarar óvirkir og engin slökkvitæki

Alls hafa sautján manns stefnt Kristni Jóni Gísla­syni og HD verki og krefj­ast bóta vegna brun­ans við Bræðra­borg­ar­stíg 1 en þrír létu lífið í brun­anum. Bæturnar nema sam­tals rúmum 324 millj­ónum en stefn­endur eru tíu manns sem lifðu af brun­ann og sjö fjöl­skyldu­með­limir þeirra sem lét­ust en húsið var í eigu HD verks en Kristinn er eig­andi fyr­ir­tæk­is­ins. Þá telja stefn­endur sannað að Kristinn hafi valdið þeim tjóni en húsið hafði ekki full­nægj­andi bruna­varnir, eld­varnir og eld­varn­ar­eft­ir­lit. Auk þess hafi breyt­ingar verið gerðar á hús­inu til þess að fleiri íbúar kæmust þar fyrir, breyt­ing­arnar leiddu til auk­innar eld­hættu. Reyk­skynjarar í hús­inu virk­uðu ekki og var þar engin slökkvi­tæki að finna en Frétta­blaðið greindi frá stefn­unni í morgun.

Sex þeirra sem lifðu brun­ann af urðu fyrir var­an­legri örorku en tveir þeirra krefj­ast þján­ing­ar­bóta. Allir tíu sem lifðu brun­ann hafa þurft að leita sé aðstoðar hjá sál­fræð­ingi eða geð­lækni vegna áfallastreiturösk­unar, kvíða eða þung­lyndis.
Aðstand­endur þeirra látnu krefj­ast allir fjög­rra millj­óna en þeir sem lifðu af krefj­ast allt frá fjórum millj­ónum til tæp­lega 30 millj­óna króna.

Marek Moszczynski var í júní í fyrra sýkn­aður af þre­földu mann­drápi, til­raun til mann­dráps og brennu en var hann dæmdur til þess að sæta örygg­is­vistun á rétt­ar­geð­deild. Marek reynd­ist sekur um graf alvar­leg brot en var dæmdur ósak­hæfur.