Vikuleg mistök í heilbrigðiskerfinu sem geta valdið dauða – Örkumlaðist við fæðingu 24 marka barns

Samkvæmt árs­skýrslu Embættis land­læknis verður tíundi hver sjúk­lingur fyrir van­rækslu, óhappi eða mis­tökum í heil­brigð­is­kerf­inu. Flest atvikanna fokk­ast ekki alvar­leg en að með­al­tali kemur upp minnst eitt atvik í hverri viku, sem ýmist veldur eða hefði getað valdið dauða eða var­an­legri örkumlun. Kveikur fjall­aði um mál Bergþóru Birnu­dóttur, hjúkr­un­ar­fræð­ings á bráða­sviði geð­deildar en örkuml­að­ist hún við fæð­ingu dóttur sinnar sem var eitt stærsta barn sem fæðst hefur á Íslandi. Bergþóra hyggst nú stefna rík­inu vegna meintra lækna­mistaka.

„Þegar ég er gengin 28 vikur þá er ég orðin það slæm að ég átti orðið bara erfitt með allar hreyf­ingar. Þarna bara finn ég að lík­am­inn, það er bara eitt­hvað, það er eitt­hvað að ger­ast,“ sagði Bergþóra en fékk hún fljótt á til­finn­ing­una að læknar hlust­uðu ekki á hana þegar hún tal­aði um ástand sitt. Þegar hún var gengin 38 vikur byrj­aði að blæða og fékk hún hríðar sem duttu síðan niður. Bað hún um að athuga hvað væri hægt að gera því hún gæti ekki meira. Stuttu síðar var haft sam­band þar sem henni var til­kynnt að hún gæti tekið verkja­lyf.
Dóttir Bergþóru fædd­ist þegar hún var gengin rúmar 40 vikur og var hún 24 merkur. Hand­bragð sem kall­ast, manual fun­dal pressure, var notað við fæð­ingu barns­ins en var það hvergi skráð í fæð­ing­ar­skýrslu Bergþóru. Alþjóða­heil­brigð­is­stofnun mælir gegn beit­ingu hand­bragðs­ins þar sem það getur valdið bæði móður og barni skaða en er barn­inu í raun ýtt út með lík­ams­þunga ljós­móður eða læknis með því að leggj­ast að hluta ofan á kon­una.

Bergþóra hlaut mikla áverka í fæð­ing­unni og vakn­aði grunur um ofvaxt­ar­heil­kenni hjá stúlkunni. Síðar kom í ljós að skað­inn hafði verið svo mik­ill að fjar­lægja þurfti neðsta hluta ristils­ins en er Bergþóra með stóma í dag. Lífbein hennar fór í sundur við fæð­ing­una og fylgdu því gríð­ar­legar kvalir. Þegar Bergþóra fór að und­ir­búa stefn­una kvaðst eng­inn þeirra sem var við­staddur fæð­ing­una muna eftir því hvaða aðferðum hafði verið beitt. Þrátt fyrir óvenju­lega stærð barns­ins.
,,Ég í ein­lægni vil að það sé hægt að læra eitt­hvað af þess­ari fæð­ingu. Og þess vegna vil ég segja mína sögu,“ sagði Bergþóra en við­talið má lesa í heild hér.