Kourtney og Travis Barker giftu sig í Vegas – Elvis gaf þau saman

Raun­veru­leika­stjarnan Kourtney Kar­dashian og tón­list­ar­mað­ur­inn Travis Barker eru sögð hafa farið með hjú­skap­ar­heitin í kapellu í Las Vegas aðfar­arnótt mánu­dags. Vef­mið­ill­inn TMZ greinir frá þessu.

Samkvæmt heim­ildum mættu þau í kapell­una One Love Wedding Chapel seint á sunnu­dags­kvöldið, öllu heldur aðfar­arnótt mánu­dags, um klukkan hálf tvö, nokkrum klukku­stundum eftir að Travis hafði spilað á Grammy-verð­launa­há­tíð­inni sem haldin var í borg­inni.

Eitthvað er þó á reiki hvort brúð­kaupið hafi yfir höfuð verið lög­legt. Sagt er frá því á TMZ að parið hafi ekki verið með hjú­skap­ar­vott­orð þegar þau bund­ust hvort öðru í kapell­unni. Til þess að hjóna­bandið hafi verið lög­legt þyrfti hjú­skap­ar­vott­orð vita­skuld að vera til staðar. Í annarri frétt er því haldið fram að hjú­skap­ar­vott­orð hafi verið með­ferðis og því allt klappað og klárt þegar parið setti upp hring­ana.

Þau Kourtney og Travis eru sögð hafa mætt á stað­inn með eigin ljós­mynd­ara og teymi líf­varða. Samkvæmt heim­ild­ar­mönnum þótti þeim afar mik­il­vægt að Elvis-eft­ir­herma gæfi þau saman. Það var því rokk­ar­inn goð­sagna­kenndi, eða öllu heldur tví­fari hans, sem lýsti þau hjón.

Heim­ildir herma að veislu­höld og ýmsir við­burðir séu áætl­aðir í til­efni af gift­ing­unni. Travis bað Kourtney um að gift­ast sér í októ­ber, í fríi sem parið fór í saman til Montecito.

Kourtney og Scott Disick, barns­faðir hennar og fyrrum maki, giftu sig aldrei. Þetta er hins vegar þriðja hjóna­band Travis.