Svanhvít týnd síðan á fimmtudag – Engar vísbendingar um ferðir hennar

Svanhvít Harð­ar­dóttir er enn ófundin og heldur leit áfram í dag. Björg­un­ar­sveitir gerðu hlé á leit upp úr mið­nætti sam­kvæmt upp­lýs­ingum RÚV.

Rúmlega hund­rað björg­un­ar­sveit­ar­menn leitð­uðu Svan­hvítar í allan gær­dag á stóru svæði í Hafn­ar­firði. Engar vís­bend­ingar hafa fund­ist, né nokkuð annað sem getur sagt til um ferðir hennar.

Lög­reglan á Höf­uð­borg­ar­svæð­inu lýsti eftir Svan­hvíti í gær en hún er 167 sm á hæð, sól­brún með ljós­litað rúm­lega axl­ar­sítt hár.

„Lög­reglan á höf­uð­borg­ar­svæð­inu lýsir eftir Svan­hvíti Harð­ar­dóttur, 37 ára. Hún er 167 sm á hæð, sól­brún með ljós­litað rúm­lega axl­ar­sítt hár. Síðast er vitað um ferðir Svan­hvítar um kl. 13:00 í gær þegar hún fór frá heim­ili sínu á Völlunum í Hafn­ar­firði. Svanhvít var þá klædd í gráar jogg­ing­buxur og hettu­peysu en ekki er vitað um lit peysunnar. Þá var hún með hárið í háu tagli.

ATH!

Talið er að Svanhvít hafi verið á hvítu raf­hlaupa­hjóli, teg­und XIAOMI M365 sem er hvítt að lit.  Þeir sem hafa séð þannig hjól á Hafn­ar­fjarða­svæð­inu eru beðnir um að hafa sam­band við lög­reglu í gegnum 112.

Þau sem geta gefið upp­lýs­ingar um ferðir Svan­hvítar, eða vita hvar hana er að finna, eru vin­sam­leg­ast beðin um að hafa taf­ar­laust sam­band við lög­regl­una í síma 112,“ segir í færslu Lög­regl­unnar.