Bubbi sendir Agnesi tóninn: „Biskup Íslands stígur fram ríkisstjórninni til varnar“

Tón­list­ar­goð­sögnin Bubbi Morthens segir að „Davíð þór jóns­son er senni­lega sá prestur seinni tíma sem þorir að taka hvað harð­asta afstöðu með þeim minnstu og varn­ar­lausu í sam­fé­lagi okkar á þannig máli að eftir sé tekið,“ segir hann og bætir við:

Séra Davíð Þór Jónsson

„Mynd­lík­ingar hans eru snjallar og svíða þegar hann hirtir til rík­is­stjórn­ina í máli hennar um að senda 300 flótta­menn á göt­una í Grikk­landi.“

Bubbi segir að undan orðum Davíðs Þórs svíði „svo sárt að biskup Íslands stígur fram rík­is­stjórn­inni til varnar; að hún skuli ekki skilja að það var ekki verið að hóta, heldur miklu fremur verið að segja þeim sem málið varða að til sé sér­stakur staður í hel­víti fyrir þau sem níð­ast á varna­lausum smæ­lingjum; alla­vega fyrir þá sem eru trú­aðir – fyrir hina er hel­víti nú þegar í miklu stuði hér á jörðu.“

Agnes M. Sig­urð­ar­dóttir biskup

Hann bætir svo við að „biskup íslands mætti alveg taka hann sér til fyr­ir­myndar í stað­inn fyrir að hóta honum fyrir það sem allir prestar ættu að gera; það er að þora að standa með þeim minnstu með log­andi orðum og kær­leika að vopni.“