Fjölmiðlamaðurinn með meiru, Ómar Ragnarsson, fjallar um erfitt afbrigði kórónuveirunnar í færslu sem birtist á bloggsíðu hans.
Frásögn Ómars er svipuð og fótboltakappans Lional Messi, sem greindi frá leiðinlegum veikindum sínum á dögunum. Ómar segir lýsingar Messi hljóma kunnulega, en hann lýsir veikindunum á þennan hátt:
„Lýsing Messi á einkennum kórónuveirunnar hljómar kunnuglega í eyrum þess, sem fengið hefur svipaða útgáfu af þessum fjanda í aprílbyrjun.“
Ómar veltir því fyrir sér hvort hægt verði að tala um nýtt afbrigði af veirunni.
„Nú hefur Messi lýst sínu afbrigði þannig, að hugsanlega verður hægt að tala um „Messi-afbrigðið af veirunni.“
Einkennin voru ansi snörp í byrjun með stóru verkjakasti sem þungamiðju, og voru verkirnir það miklir og í öllum líkamshlutum einn daginn, að hvorki var hægt að standa kyrr, liggja eða sitja, sofa eða vaka.
Veiran réðst á lungun og í kjölfar lungnabólgu fylgdu ströng fyrirmæli læknis um að leggja alveg af reglulegt vikulegt kapphlaup upp fjórar hæðir með skeiðklukkumælingu og taka nokkrar vikur í að forðast slíkt.
Þegar blóðeitrun í hæl og ökkla fylgdi ótugtinni var enn meiri ástæða til að fara sér hægt.“
Athugasemdir