Björn Leví: „Píratar eru ekki alþýðuflokkur“

Ef marka má umræðu á sam­fé­lags­miðlum þá virð­ast Píratar vera helstu and­stæð­ingar verka­lýðs­hreyf­ing­ar­innar, í það minnsta kvarta þeir sár­ast undan Sólveigu Önnu Jóns­dóttir, for­manni Eflingar, Vil­hjálmi Birg­is­syni, for­manni Starfs­greina­sam­bands­ins, og Ragnari Þór Ing­ólfs­syni, for­manni VR. Þetta hefur komið sumum á óvart enda flokk­ur­inn tal­inn hall­ast til vinstri í huga margra.

Björn Leví Gunn­ars­son, þing­maður flokks­ins, tekur af allan vafa um þetta í athuga­semd við færslu Jæja. Sú færsla fjallar einmitt um orð Helga Hrafns Gunn­ars­son, fyrr­ver­andi þing­manns, sem lýsir sig yfir sem and­stæð­ing verka­lýðs­hreyf­ing­ar­innar. Björn svarar athuga­semd Guðnýjar Bjarkar Ármanns­dóttur en hún segir að Píratar hafi aldrei staðið með verka­fólki.

Hún skrifar: „Píratar eru ekki og voru aldrei alþýðu­flokkur. Þeir slá í og úr með fyrir hvað þeir standa til þess að hala inn atvæðum úr sem flestum áttum. Þeir voru alltaf með hroka gagn­vart kjara­bar­áttu verka­lýðs­ins. En mjög hrifnir af bar­áttu BHM og hjúkr­un­ar­fræð­inga. Því hún er við ríkið þannig að hún gefur þeim tæki­færi til þess að dansa í alþingispont­unni og kom­ast kannski í sjón­varpið.“

Björn svarar, maldar nokkuð í móinn en jánkar þó. „Píratar eru borg­ara­rétt­inda­flokkur. Mjög mikið af þeim borg­ara­rétt­indum hafa feng­ist í gegnum verka­lýðs­bar­áttu. Við lögðum fram frum­varp um stytt­ingu vinnu­viku, sem var eitt af aðal bar­áttu­mál­unum í síð­ustu lotu kjara­samn­inga. Píratar eru lika lýð­ræð­is­flokkur, með áherslu á beint lýð­ræði. Verka­lýðs­bar­áttan hefur verið lýð­ræð­is­bar­átta í gegnum árhund­ruðin,“ segir Björn.

Hann segir að Píratar séu engir jafn­að­ar­menn. „Píratar eru hins vegar ekki sós­í­alistar. Við við­ur­kennum að eign­ar­rétt­ur­inn er til, við segjum bara að hann sé ekki til alls staðar (og erum þannig ekki kap­ít­alistar heldur). Þannig að það fer eftir því hvað þú meinar með alþýðu­flokkur, ef þú verður ekki alþýðu­flokkur nema hafna eign­ar­rétti þá eru Píratar ekki alþýðu­flokkur. Annars held ég að Píratar tékki í öll önnur boxin hvað það varðar.“