Brynjar tekur Stefán til bæna: „Beinlínis drullar yfir nafngreinda menn“

Brynjar Níelsson, fyrr­ver­andi þing­maður og núver­andi aðstoð­ar­maður dóms­mála­ráð­herra, hjólar í Stefán Ingvar Vig­fús­son, mein­tan grínista, á Facebook. Þó má segja að Stefán hafi byrjað þær deilur því hraunar yfir Brynjar í við­tali við Frétta­blaðið í dag. Þar sakar Stefán Brynjar um að leggja fólk í ein­elti.

Brynjar vísar því til föð­ur­hús­ana. „Frétta­blaðið tók merki­legt við­tal í morgun við uppi­standar­ann knáa, Stefán Ingvar Vig­fús­son, sem ætlar að vera með uppi­stand í Tjarn­ar­bíói í kvöld. Sjálf­sagt góð ókeypis aug­lýs­ing en við­talið fjall­aði aðal­lega um hvað ég væri leið­in­legur og mikið búllí og væri með síð­ustu mönnum sem hann vildi hitta. Honum þótti samt rétt að taka það fram að hann væri ekki gramur út í mig. Stefán Ingvar er kannski betri uppi­stand­ari en ég hélt,“ segir Brynjar.

Hann segir að Stefán hefði átt að bjóða sér á upp­standið. „Ég átt­aði mig ekki alveg á við­tal­inu hvort Stefán ætli með uppi­stand­inu í kvöld að afsanna kenn­ingu mína um að gramir menn í ójafn­vægi geti ekki verið fyndnir eða hvort hann ætli að sanna að hann sé ekk­ert gramur og því bráð­fynd­inn og skemmti­legur. En þetta kemur vænt­an­lega allt í ljós í kvöld. Mér finnst að Stefán Ingvar hefði átt að vera grand á því að bjóða þessum leið­in­lega búllíi á uppi­standið,“ segir Brynjar.

Hann seg­ist enn ekki hafa séð neitt fyndið frá Stefáni. „En það er athygl­is­vert að lesa Bakþanka Stefáns Ingvars í Frétta­blað­inu og færslur hans að Tvitter. Þar fá menn það gjarnan óþvegið, bein­línis drullar yfir nafn­greinda menn,  og hét það í gamla daga að vera búllí en heitir víst núna mann­gæska og bar­átta fyrir rétt­læti. En það er ekki gott að uppi­stand­ari af þessu kali­beri skynji ekki hversu mik­ill ljúf­lingur og mann­vinur ég er. Hvers manns hug­ljúfi eins og amma gamla sagði.“