Þórólfur kveður: „Við eigum eftir að hittast aftur og knúsast betur“

Dagurinn í dag var sá síð­asti hjá Þór­ólfur Guðna­son sem sótt­varna­læknir lands­manna. Þórólfur ræddi við frétta­mann Frétta­vakt­ar­innar í kvöld.

Hann bendir á að gríðar­­legur fjöldi fólks hafi tek­ist á við far­ald­ur­inn, ekki ein­ungis þrí­­eykið, hann sjálfur, Alma Möller, land­­læknir og Víðir Reynis­­son, yfir­­lög­­reglu­­þjónn.

„And­litin út á við höfum verið ég og Alma og Víðir svo­lítið en það er fullt af fólki sem á stóran hlut í þessu. En það er kannski ekk­ert ó­­eðli­­legt þó að fólk tengi endi­­lega mig við öll þessi við­­brögð og svona, en það er fjöld­inn allur að fólki og fjöld­inn sem heldur á­­fram og nýr sótt­varna­læknir sem er alveg frá­bær, svo ég held að það sé eng­inn sem þurfi að hafa neinar á­hyggjur,“ segir Þór­ólfur.

Í dag var fólk boðið að leggja inn spurn­ingar fyrir Þórólf. Blaða­maður tók nokkrar spurn­ingar saman, en meira var um kveðjur og heilla­óskir.

Ein spurn­ing sem Þór­ólfur svarar í Frétta­vakt­inni hljóðar svo: Hve­­nær ætlar þrí­­eykið að knús­ast? Alma lof­aði því…

„Við höfum gert það. Ég knús­aði Ölmu í morgun og ég knús­aði Víði í gær, við eigum eftir að hitt­ast aftur og knús­ast betur,“ svar­aði Þór­ólfur.