Hrafn segir Surtlu hafa minnkað: „Ég ætla alla leið í vítaspyrnukeppni, ef þörf krefur“

Hrafn Jök­uls­son, rit­höf­undur, skák­fröm­uður og ýmis­legt fleira, berst eins og alþjóð veit af krafti við erfitt krabba­mein sem hann kallar Surtlu. Hefur bar­áttu­þrek hans vakið aðdáun Íslend­inga en hann vill ekki vera kall­aður hetja.

Hrafn skrif­aði færslu rétt yfir 13:00 í dag á Facebook þar sem hann segir að Surtla hafi minnkað en bar­átt­una kallar hann Operation Mikael.

„OPERATION MIKAEL —

Kæru vinir. Geisla- og lyfja­stríð hafa greitt Surtlu þung högg. Lítil var hún fyrir en nú er hún ennþá minni. Margar jákvæðar tölur en Surtla er auð­vitað langt í frá búin að vera og lungna­bólgan er svæsin. En á þessum afmæl­is­degi pabba skulum við nota orð Winstons vinar okkar:„Now this is not the end. It is not even the beg­inn­ing of the end. But it is, per­haps, the end of the beg­inn­ing.“,“ skrif­aði Hrafn og bætti við:

„Höfum eitt á tæru, við Surtla verðum aldrei sundur skilin. Þegar hún skaut upp sínum svarta kolli, var útlit fyrir að bar­áttan stæði aðeins í örfáar vikur. Skapari minn hefur nú hleypt mér í fram­leng­ingu á úrslita­leiknum mikla. Þetta hefur verið stór­kost­legur tími og ég ætla alla leið í víta­spyrnu­keppni, ef þörf krefur.“

Því næst þakk­aði Hrafn stuðn­ing­inn sem hann hefur fundið fyrir síðan bar­dag­inn við Surtlu hófst en bað fólk að gera ekki of mikið úr hetju­skap sínum:

„Stuðn­ingur vina minna hefur verið ómet­an­legur, og öll ykkar fal­legu orð.En ég bið ykkur elsku vinir að gera ekki of mikið úr „hetju­skap mínum“, ég fer hjá mér við slíkt. Í okkar heimi eru ótelj­andi hetjur sem takast á við verk­efni lífs­ins frá degi til dags án þess að fá nokk­urt hrós. Það eru hvunn­dags­hetj­urnar sem ég ber ótak­mark­aða virð­ingu fyrir. Fólkið sem vaknar á morgn­ana og fer og lætur gott af sér leiða. Fólkið sem ferð­ast yfir hálfan heim­inn til að skapa börnum sínum nýtt líf. Fólkið sem lætur ekki bug­ast frammi fyrir vald­níðslu og skepnu­skap. Börnin á Barna­spít­ala Hrings­ins og öll börn sem mæta órétt­læti hinna full­orðnu.

Kæru vinir, yfir mig hefur rignt óverð­skuld­uðum yfir­lýs­ingum um hetju­skap minn. Inni­legar þakkir en margir verð­skulda slíkt lof fremur en ég. Ef þið viljið gleðja mig, gerið það með því að taka eftir hetj­unum, alvöru hetj­unum. Það vekur mér sanna gleði ef þið rifjið upp eitt­hvað sem ég hef gert en ekki hvernig ykkur finnst að ég sé. Ég bið ykkur að rifja upp sögur fremur en lýs­ingar á per­sónu minni. Finnið ykkur hetjur dags­ins og sendið mér sögur af þeim.“Í nið­ur­lagi færsl­unnar segir hann bar­átt­una rétt að byrja og að næstu daga þurfi hann að ein­beita sér að slagnum sem framundan sé.„Já, bar­áttan er rétt að byrja ef Skapari minn leyfir. Nú mun ég ein­beita mér að þeim mikla slag, nú þegar Surtla hopar tíma­bundið út í horn að sleikja sín geisla­sár. Verið viss um eitt: hún getur lokið dans­inum í einu vet­fangi, en ég mun dansa og dansa, ýmist byrstur eða með bros á vör. Á næstu dögum mun ég pósta færra hér á facebook og ein­beita mér að næsta kafla í þessum stór­kost­lega seinni hálf­leik lífs míns.LAG DAGSINS: Dalaka Obala.AFMÆLISBARN DAGSINS: Jökull Jak­obs­son.

FRAM TIL SIGURS!“