Greint er frá því í dagbók lögreglu að maður sem fór með fjölskyldu sinni á veitingastað í Breiðholti að versla mat í gærkvöld varð fyrir árás ókunnugs manns; réðst maðurinn á hann af tilefnislausu.
Tekið er fram að árásarmaðurinn hafi verið í annarlegu ástandi – líklega haft áfengi og önnur eiturlyf við hönd – og var hann handtekinn á staðnum.
Enn sem komið er liggja ekki fyrir upplýsingar um áverka mannsins vegna árásarinnar.
Í dagbókinni góðu er einnig sagt frá því að maður gekk viljandi fyrir bíl á Reykjanesbraut um klukkan 18 í gær; hlaut áverka á ökkla og skurði á olnboga, en bíllinn skemmdist á vélarhlíf.
Svo á fimmta tímanum í nótt var kona ein handtekin í miðbænum fyrir að ráðast að dyravörðum veitingastaðar sem og að sparka í lögreglubíl; konan var látin laus að loknu samtali við lögreglu.
Umferðaróhapp varð á Elliðavatnsvegi – á þriðja tímanum í nótt – en þá missti ökumaður stjórn á bíl sínum og ók út af veginum. Hafnaði bíllinn töluvert utan vegar og var mikið skemmdur eftir óhappið. Hafði hann ekið yfir stórt grjót og endaði í runna; ökumaður og einn farþegi voru í bílnum, en ekki eru skráðír neinir áverkar í skýrslu.
Athugasemdir