Textahöfundurinn ástsæli, Þorsteinn Eggertsson, var með furðulega uppákomu um helgina þegar hann tók slaginn með Jóni Baldvin Hannibalssyni, fyrrverandi ráðherra, sem hefur verið sakaður um kynferðisbrot af ýmsu tagi. Nú síðast birti Stundin dagbókarfærslur Þóru heitinnar Hreinsdóttur, þáverandi nemanda við Hagaskóla, þar sem nákvæmar lýsingar er að finna á „ástarsambandi“ Þóru og Jóns Baldvins sem þá var kennari hennar. Stundin hafði sannreynt að dagbækurnar voru Þóru.
Jón Baldvin hefur ekki viljað tjá sig um mál þetta. Um helgina birtist svo yfirlýsing frá Þorsteini, eiginkonu hans og dóttur þar sem birting dagbókanna ert fast að því fordæmd þar sem um væri að ræða einkamál Þóru sem hún hefði aldrei viljað bera á torg. Þorsteinn er ótengdur Þóru að öðru leyti en hann er barnsfaðir hennar. Eiginkona hans og dóttir þeirar Þóru skrifuðu líka undir yfirlýsinguna sem beindist að Stundinni og dóttur Þóru, Valgerði Þorsteinsdóttur, sem afhenti fjölmiðlinum dagbækurnar. Nú er komið á daginn að meintur brotamaður mætti í kaffi til Þorsteins og fjölskyldu og í framhaldinu var send út einhver furðulegasta yfirlýsing sem sést hefur á síðari tímum.
Landsréttur tekur fyrir á næstunni mál þar sem Jón Baldvin er sakaður um að hafa káfað á rassi ungrar konu á heimili sínu á Spáni. Það mál kannað vera áhyggjuefni fyrir hann en Hagaskólamálið er væntanlega fyrnt …
Athugasemdir