Valgerður gagnrýnd fyrir dagbók móður sinnar: Jón Baldvin mætti í kaffi til barnsföðurins

Val­gerður Þor­steins­dóttir, dóttir Þóru Hreins­dóttur, sem afhenti Stund­inni dag­bók móður sinnar hefur verið gagn­rýnd harka­lega af fjöl­skyldu sinni. Systir hennar Soffía Þor­steins­dóttir, Þor­steinn Egg­erts­son, barns­faðir Þóru heit­innar, og Fjóla Ólafs­dóttir, núver­andi kona hans sendu frá sér yfir­lýs­ingu í gær sem birt­ist á mbl.is.

Mannlíf leit­aði til Val­gerðar í kjöl­far yfir­lýs­ingar fjöl­skyldu hennar. Val­gerður segir að Jón Baldvin Hanni­bals­son hafi kíkt í kaffi til pabba hennar, Þor­steins Egg­erts­sonar, og sam­býl­is­konu hans, Fjólu Ólafs­dóttur á laug­ar­dag­inn var. „Pabbi sagði mér það í gær, þegar ég spurði hvort Bryndís Schram og/eða Jón Baldvin hefðu mikið hringt,“ og stað­festir Val­gerður að Þor­steinn og Jón Baldvin séu mátar. „Veit ekki hvenær þeir urðu svona bestu vinir, en þeir voru engir sér­stakir vinir þegar ég var krakki.“

Val­gerður lýsir því hvernig hún hafi verið með öllu grun­laus um afstöðu fjöl­skyldu sinnar: „Ég sá yfir­lýs­ingu þeirra ekki á Facebook, þar sem ég hef verið með Soffíu blokk­aða frá 2010.“ Val­gerður segir jafn­framt frá því að í gær hafi fjöl­skyldan verið sam­an­komin á ætt­ar­móti og þar hafi hún setið með föður sínum og rætt við hann. „Ekki eitt orð um þessa grein í Morg­un­blað­inu.“

Val­gerður ber systur sinni ekki fagra sög­una og lýsir henni sem sjálf­hverfum ein­stak­lingi og að faðir hennar og kona hans séu með­virk með henni.

„Ég ætla ekki að taka á mig þeirra skömm,“ segir Val­gerður þegar hún er innt eftir leyfi á birt­ingu. „Ef þess­ari kyn­slóð er svona annt um þöggun, held ég að það færi þeim best að þegja bara áfram.“

Val­gerður var grun­laus um yfir­lýs­ing­una á ætt­ar­móti fjöl­skyld­unar um helg­ina. Mynd/aðsend

Í fés­bók­ar­færslu frá Valgerði segir hún: „ Það er engin virð­ing fólgin í því að taka afstöðu með lyg­urum og barna­perrum.

Ég lét

Þor­steinn Egg­erts­son

vita að ég hefði farið með dag­bækur móður minnar til Stund­ar­innar u.þ.b. tveimur vikum áður en greinin (um dag­bækur mömmu og JBH) birt­ist. Ég sagði honum líka hvers­vegna ég gerði það.Í dag hitti ég pabba og kon­una hans í fyrsta sinn síðan greinin var birt, í Stund­inni. Þá höfðu þau ekki gert neina til­raun til að hafa sam­band við mig. Þau sögðu ekki orð um þessa grein í morg­un­blað­inu.Team JBH má vin­sam­leg­ast henda mér af vina­list­anum sínum. Það sparar mér vinnu.“

Í yfir­lýs­ing­unni frá systur Val­gerðar, pabba hennar og sam­býl­is­konu hans segir meðal ann­ars: „ Við und­ir­rituð hörmum það, að frið­helgi einka­lífs Þóru Hreins­dóttur hefur verið rofin og van­virt með þessum hætti. Við beinum því til fjöl­miðla og svo­kall­aðra álits­gjafa að virða frið­helgi einka­lífs hinnar látnu konu. Einnig að láta ógert að leiða hana fram sem vitni í saka­máli, sem henni er óvið­kom­andi.“

Hér að neðan má sjá færslu Val­gerðar: