Átökin um Jón Baldvin Hannibalsson, fyrrverandi ráðherra, og meintar rassastrokur og misnotkun hans á konum og stúlkun heldur áfram og breiðist út. Seinasta uppnám varð þegar fjölskylda Þorsteins Eggertssonar textahöfundar og barnsmóður Þóru Hreinsdóttur, sendi yfirlýsingu og mótmælti birtingu dagbóka Þóru þar sem lýst var nánum samskiptum hennar, skólastúlkunnar, og kennarans Jóns Baldvins. Það var dóttir Þóru, Valgerður Þorsteinsdóttir sem afhenti Stundinni dagbækurnar. Systir hennar, Soffía Þorsteinsdóttir, skrifaði undir yfirlýsinguna ásamt föður sínum. Hún bætti um betur í gær og réðst á systur sína með kjafti og klóm í aðsendri grein á Vísi í gær.
„Hefur einhver haft fyrir því að rannsaka hennar bakgrunn? Hún lætur í ljós í þeim viðtölum sem henni hafa boðist að hún hafi verið mikil mömmustelpa, hetjan sem talar máli látinnar móður sinnar og birtir eldgamlar myndir af sér og mömmu sinni. Mætti kannski rifja upp minningargreinina sem hún skrifaði ástúðlega um mömmu sína sem hún elskaði svo heitt? Æji úps! Það er engin minningargrein,“ skrifar Soffía. Ljóst má vera að fjölskyldan er klofin vegna Jóns Baldvins …
Athugasemdir