Áslaug Arna: „Ekki hefur komið til endurgreiðslu á dagpeningum“

Þing­maður Pírata, Björn Leví Gunn­ars­son, segir það blasa við að ráð­herrar hér á landi eru að fá ofgreidda dag­pen­inga; að almenn­ingur tví­greiði til dæmis ferðir ráð­herra til og frá flug­velli:

„Eina nið­ur­staðan miðað við fyr­ir­liggj­andi gögn er að verið sé að ofgreiða ráð­herrum í gegnum dag­pen­inga – hvort ráð­herrar greiði tekju­skatt af þeirri greiðslu er óljóst,“ skrifar Björn Leví á Facebook-síðu sinni.

Björn Leví Gunn­ars­son þing­maður Pírata.

Hann lagði fram fyr­ir­spurn til Áslaugar Örnu Sig­ur­björns­dóttur, sem sinnir störfum háskóla-, iðn­aðar- og nýsköp­un­ar­ráð­herra, sem snýr að greiðslu dag­pen­inga til ráð­herra.

Björn Leví leggur út af svörum ráð­herra á Facebook-síðu sinni; honum þykja reglur um dag­pen­inga vegna ferða­kostn­aðar rík­is­starfs­manna fela í sér atriði sem stinga mjög svo í stúf.

Björn Leví vitnar í svör við fyr­ir­spurn sinni; hversu mörgum til­fellum ráð­herra hafi verið ekið á flug­völl í bif­reiðum ráðu­neytis. Einnig, í hve mörgum til­fellum end­ur­greiddi ráð­herra þann hluta dag­pen­inga sem ætl­aður er til að standa undir þeim hluta ferða­kostn­að­ar­ins?

Svörin eru þau að ekki hafi komið til end­ur­greiðslu á dag­pen­ingum:

„Ráðherra fær skutl í ráð­herra­bíl til og frá flug­völlum; sá kostn­aður er ekki greiddur af dag­pen­ingum ráð­herra, heldur af ráðu­neyt­inu sjálfu. Við erum sem sagt að tví­borga fyrir þessa ferð.“

Hann segir dag­pen­inga eigi að nota til að borga fyrir mál­tíðir. Og ef ráð­herra fái fría mál­tíð beri honum að end­ur­greiða þennan hluta dag­pen­inga; ellegar beri að reikna þá sem hlunn­indi og greiða tekju­skatt af þeim:

„Svar ráð­herra: Ekki hefur komið til end­ur­greiðslu á dag­pen­ingum.“

Fram kemur í svari ráð­herr­ans, Áslaugar Örnu, að ráð­herra hafi farið í þrjár utan­lands­ferðir tengdar starf­inu. Dag­pen­inga­greiðslur vegna þeirra nemi 543 þús­und krónum fyrir hót­elgist­ingu, fæði og annan kostnað.