Dásamar Ágústu Skúladóttur: „Það sem þessi kona lætur eftir sig er hreint út sagt ótrúlegt “

Karl Ágúst Úlfsson, leik­ari, leik­stjóri og rit­höf­undur, dásamar leik­stjór­ann Ágústu Skúla­dóttur í nýlegri færslu á Facebook. Og ástæðan er ósköp skilj­an­leg. Ágústa er nú að leik­stýra fimm leik­verkum á sama tíma, geri aðrir betur.

„- Ertu ekki að djóka í mér? sagði Ágústa.

Fyrsta svarið sem mér datt í hug var „Er ég vanur að djóka?“ en ég átt­aði mig á að það væri trú­lega ekki gott svar, svo ég sagði „Nei, ég er að tala um fimm sýn­ingar. Fimm upp­færslur. Fimm leik­stjórn­ar­verk­efni, five, fünf, cinco, cinque, fem… “– Hættu að láta eins og þú kunnir öll heims­ins tungu­mál, sagði hún og það er rétt að taka það fram að þetta var ekki illa meint, hvorki af hennar hálfu né minni.En jú –– Þú átt sann­ar­lega fimm (five, fünf cinco, osfrv.) leik­sýn­ingar á íslenskum atvinnu­leik­sviðum á sama tíma!– Gott og vel, sagði hún, en ég trúi þér ekki nema þú teljir þær upp.Ég vissi að þetta var gildra, en ég gekk í hana og þess vegna birti ég list­ann hér.“

Og svo kom list­inn og því­líkur listi!

„Og þviíkt og annað eins! Sami leikstór­inn á fimm sýn­ingar á sama tíma! Ertu ekki að djóka?En hvað um það, hér er list­inn:NJÁLA Á HUNDAVAÐI í Borg­ar­leik­hús­inu. Algjör­lega mylj­andi fyndin sviðs­ver­sjón af Brennu-Njáls­sögu með snill­ing­unum Hundi í óskilum.BÍDDU BARA í Gafl­ara­leik­hús­inu. Sýning um reynslu­heim kvenna sem kemur okkur öllum við og hefur heldur betur hreyft við áhorf­endum af öllum kynjum.FÍFLIÐ i Tjarn­ar­bíói. Kveðju­sýn­ing ykkar ein­lægs. Sýning sem ekki er ástæða til að hafa mörg orð um, en mér þykir ein­stak­lega vænt um af skilj­an­legum ástæðum.HRÍMA í Tjarna­bíói. Algjör­lega ein­stök heil­grímu­sýn­ing. Eft­ir­minn­leg­asta grímu­sýn­ing sem ég hef séð. Samt hef ég ferð­ast vítt og breitt um heim­inn og horft á afsprengi fjöl­þjóð­legra hefða, en þetta snerti mig meira en allt annað sem ég hef séð í þessum leik­hús­geira.MADAME TOURETTE í Tjarn­ar­bíói. Sýning sem ég hefði ekki treyst neinum leik­stjóra öðrum en Ágústu til að setja upp og gera að þeirri org­andi snillld sem gefur áhorf­endum tæki­færi til að hlæja að hlutum sem þeim hefðu þótt óþægi­legir undir öllum öðrum aðstæðum, og hefðu ekki veitt lista­kon­unni Elvu Dögg tæki­færi til að koma skila­boðum sínum á fram­færi.“

Ágústa leik­stýrir 5 sýn­ingum á sama tíma!

Mynd: Trausti Haf­steins­son

Í loka­orðum sínum veltir Karl Ágúst fyrir sér spurn­ingu sem á vel rétt á sér.

„Að lokum: Hefur ein­hver annar leik­sjóri afrekað annað eins, hvort sem er hér á landi eða í öðrum löndum? Og þá er ég ekki bara að tala um magn, fjölda sýn­inga, heldu líka gæði. Guð minn góður, það sem þessi kona lætur eftir sig er hreint út sagt ótrú­legt í mörgum skiln­ingi þess orðs.“