Bílvelta í miðbænum – Drukkinn ökumaður endaði á húsvegg

Lögreglu barst til­kynn­ing um umferð­ar­ó­happ á bíla­stæða snemma í gær­kvöldi. Þar hafði ölv­aður öku­maður ekið á fjóra bíla áður en honum tókst að kom­ast undan. Lögregla hafði upp á mann­inum skömmu síðar en var hann þá kom­inn að heim­ili sínu þar sem hann var hand­tek­inn.

Síðar um nótt­ina var bif­reið ekið á steypuklump sem not­aður var til þess að þrengja akbraut­ina vegna við­gerða. Varð það til þess að bif­reiðin valt á hlið­ina, lenti á ljósa­stór og end­aði að lokum við hús­vegg þar sem rúða í íbúð brotn­aði. Öku­mað­ur­inn var hand­tek­inn á vett­vangi, grun­aður um akstur undir áhrifum fíkni­efna og áfengis. Stuttu síðar var hann fluttur á bráða­deild til aðhlynn­ingar þegar hann fór að kvarta undan verkjum eftir slysið. Lögregla hafði hendur í hári inn­brot­þjófs í nótt. Hafði hann brotið rúðu á tóbaks­verslun og sáu lög­reglu­menn hann koma út úr versl­un­inni með ætlað þýfi. Þá brut­ust þrír menn inn í gáma í Hafn­ar­firði. Þegar lög­regla nálg­að­ist þá náðu tveir þeirra að forða sér en sá þriðji var hand­tek­inn. Eftir upp­lýs­inga­töku var mað­ur­inn fluttur á bráða­deild vegna sýk­ingar í hendi.