Aðdáendur poppdívunnar Britney Spears hafa enn og aftur áhyggjur af henni.
Britney Spears var á sínum tíma vinsælasta poppstjarna veraldar og álagið eftir því. Fór það svo að lokum svo að Britney fékk einhverskonar taugaáfall og var hún að lokum svipt sjálfræði og faðir hennar tók yfir líf hennar. Missti hún meðal annars forræðið yfir börnum sínum og fjárráð. Aðdáendur hennar fóru að hafa áhyggjur af henni og bjuggu til myllumerkið #freebritney og lásu alls konar skilaboð og merkingar í færslur hennar á samfélagsmiðlum. Að lokum kom sannleikurinn um ægivald föður hennar yfir líf hennar en í fyrra fékk hún loks vald á eigin lífi aftur eftir að dómstóll ytra veitti henni frelsi. Britney giftist honum Sam sínum í kjölfarið og hefur síðan verið ansi dugleg að birta af sér furðuleg dansmyndbönd og nektarmyndir í bland við aðrar nokkuð sérstakar færslur á Instagram.
En nú eru aðdáendur söngdívunnar farnir að hafa heilmiklar áhyggjur af henni aftur. Ástæðan er einmitt sú að hún birti á löngum tíma engar nýlegar ljósmyndir af sér og þegar hún gerði það, voru það einmitt nektarmyndir sem hún virtist ekki hafa áhuga á að birta, miðað við svipinn sem hún setti upp, fannst mörgum. Helsta kenningin er sú að eiginmaður hennar Sam, sé að halda henni í einhverskonar gíslingu og stjórni öllum hennar gjörðum, líkt og faðir hennar gerði áður.
Við hverja færslu birtast nú áhyggjur og samsæriskenningar þúsundir fylgjenda hennar sem tala aftur um að það þurfi að frelsa Britney á meðan aðrir vilja að hún sé látin í friði. Í nýjustu nektarfærslu hennar skrifar fjölmargir athugasemdir og lýsa yfir áhyggjum sínum.
„Þessar myndir eru persónulegar að mér sýnist. Þeim var ekki ætlað að vera opinberaðar. Greinilega er einhver að nota ljósmyndir hennar án hennar vitundar, enda hver myndi vilja birta svo slæmar myndir sem eru bara skjáskot? Mér þykir þetta mjög skrítið og þetta er bara að versna. Britney verður að svara með sönnun um að þetta sé í raun hún því aðdáendur hennar hafa gríðarlegar áhyggjur. Þetta er óhugnanlegt og ég segi venjulega „gerðu það sem þig langar og njóttu þín, þetta er þitt líf“ en hún sýnist ekki vera örugg,“ skrifaði einn áhyggjufullur aðdáandi.
Ein konan skrifaði: „Ég held að hún sé dópuð með fullt af lyfjum“
Önnur skrifaði: „Fyrir utan þá staðreynd að hún virðist í vímu, þá eru þetta skjáskot úr myndavélasíma (sjáið HDR í horninu) og fyrsta myndin er greinilega breytt (veggurinn er skekktur). Hvað er í gangi?!“
Hér fyrir neðan má sjá þessa færslu:
Athugasemdir