Losuðu útblásið hvalhræ sem festist í tógi – Sjáðu myndskeiðið

Á dög­unum barst Land­helg­is­gæsl­unni til­kynn­ing um hval­hræ sem flækst hafði í botn­föstu tógi í Stakks­firði. Áhöfn sjó­mæl­inga­skips­ins Baldurs mætti á vett­vang og los­aði hræið.

Samkvæmt vef Gæsl­unnar var hræið orðið upp­blásið og því hættu­legt sjó­far­endum því það var í miðri leið milli Njarð­víkur og Hafn­ar­fjarðar. Áður hafði sigl­inga­leiðin á milli þess­ara hafna legið í gegnum þetta svæði en seinna var hluta af leið­inni úthlutað undir kræk­linga­eldi.

Kallaði Gæslan út áhöfn sjó­mæl­inga­skips­ins Baldurs og var hún beðin um að losa hval­inn og koma honum út fyrir Stakks­fjörð. Gekk stór­vel að losa hræið en áhöfnin upp­götv­aði að á svæð­inu er bún­aður, línur og tóg sem hvalir og önnur sjáv­ar­spen­dýr geta auð­veld­lega fest í. Að auki geta skip og bátar einnig flækt bún­að­inn í skrúf­una.

Virtist bún­að­ur­inn ekki lengur í notkun. Eftir að áhöfn Baldurs hafði lokið við að losa hræið var það degið í togi út fyrir sjáv­ar­falls­strauma og honum slepp á rek um 15 sjó­mílum norð­vestur af Garðs­skaga.

Hægt er að horfa á mynd­skeið af aðgerðum áhafn­ar­innar hér fyrir neðan: