Þær Katrín Oddsdóttir, lögmaður og baráttukona og Kristín Eysteinsdóttir, leikstjóri og fyrrverandi Borgarleikhússtjóri eru að skilja eftir 16 ára hjónaband.
Eitt glæsilegasta par landsins síðustu áratuginn, Katrín Oddsdóttir og Kristín Eysteinsdóttir eru skildar að skiptum eftir hjónaband sem spannar 16 ár. Frá þessu segir Vísir.
Katrín og Kristín kynntust upp úr aldamótum en Katrín var þá starfandi sem blaðamaður í Neskaupsstað en Kristín nokkuð áberandi í lesbíurokksveitinni Rokkslæðunni. Þá hafa þær verið vel áberandi í samfélagsumræðunni í langan tíma. Katrín vakti meðal annars athygli fyrir skörulega framgönu í Búsáhaldabyltingunni en hún flutti að mati margra lang bestu ræðu sem haldin var á Austurvelli á þessum árum. Aukreitis sat hún í stjórnlagaráði sem skilaði tillögum að nýrri stjórnarskrá en hún berst enn fyrir nýrri stjórnarskrá.
Fram kemur hjá Vísi að Kristín sé með meistaragráðu í leikstjórn frá London en hún hefur leikstýrt fjöldi leiksýninga í atvinnuleikhúsum og hefur í nokkur skipti verið tilnefnd til Grímuverðlaunanna fyrir leikstjórn en árið 2008 hlaut hún verðlaunin fyrir sýninguna Sá ljóti. Þá var hún leikhússtjóri Borgarleikhússins frá 2014 til 2020. Í dag er hún prófessor við sviðslistadeild Listaháskóla Íslands og vinnur að sinni fyrstu kvikmynd í fullri lengd.
Saman eiga þær tvö börn.
Athugasemdir