Aðdáendur og vinir poppdívunnar Britney Spears hafa haft miklar áhyggjur af henni upp á síðkastið vegna furðulegrar hegðunar hennar á Instagram. Svo langt gekk það á dögunum að aðdáendur báðu lögregluna um að athuga með hana. Að sögn lögreglunnar var í lagi með hana. Nýjasta myndband hennar hefur ekki slegið á áhyggjur fólks, þvert á móti.
Mannlíf fjallaði um áhyggju fólks yfir geðheilsu Britney Spears en bæði hefur hún birt furðulega pósta á Instagram og hegðað sér furðulega á veitingastað um daginn en myndband af því atviki fór í dreifingu. Steininn tók úr er hún eyddi Instagram-reiknigi sínum. Var því hringt í lögregluna eins og fram hefur komið áður. Vinir hennar og vandamenn reyndu árangurslaust inngrip fyrir stuttu þar sem þau óttuðust heilsu hennar.
Nýjasta færsla hennar á Instagram er sennilega sú furðulegasta. Þar talar hún með áströlskum hreim, af miklum móð og sýnir áhorfendum kjól sem einhver sendi henni og hún gæti ekki verið ánægðari með hann. Síðan biður hún aðdáendur sína að senda ekki lögregluna á hana ef hún eyðir Instagram. Svo kom hún með ansi furðulega speki. „Verið aldrei rússíbani!“ og hljóp fram og til baka með nýja kjólinn í höndunum. Í textanum við færsluna skrifaði hún: „Verið lítillát þarna úti, öll 🦄🦄 !!! Hæ mamma og pabbi, ég er stjarna ⭐️ núna hafið þið heyrt það ??? Haldið áfram fólk …“
Athugasemdir